অসম-বাংলাদেশ সীমান্তৱৰ্তী দক্ষিণ শালমাৰা মানকাচৰ জিলাৰ ঝাওডাংগাত বিএছএফৰ গাড়ী পথ দুৰ্ঘটনাত পতিত হৈ জলাশয়ত পৰি এগৰাকী জোৱান নিৰুদ্দেশ হৈ আছিল৷ নিৰুদ্দিষ্ট জোৱানগৰাকীৰ ৩০ ঘণ্টাৰ অন্তত মৃতদেহ উদ্ধাৰ হৈছে৷ এই পথ দুৰ্ঘটনাত দুগৰাকী বিএছএফ জোৱানৰ মৃত্যু হয়৷ প্ৰথমগৰাকী মৃত জোৱানৰ মৃতদেহ মৃতদেহ শুকুৰবাৰেই লগে লগে উদ্ধাৰ হয় যদিও দ্বিতীয়গৰাকীৰ মৃতদেহ আজি উদ্ধাৰ হয়৷ মানকাচৰ আৰক্ষী থানা এলেকাৰ ভাৰত-বাংলাদেশ সীমান্তৰ ঝাওডাংগাত শুকুৰবাৰে বিএছএফৰ এখন পেট্ৰলিং বাহন দুর্ঘটনাত পতিত হয়। বাহন খনে নিয়ন্ত্ৰণ হেৰুৱাই দ’ খাৱৈত বাগৰি পৰে৷ ততাতৈয়াকৈ তিনিগৰাকী জোৱানক জীৱন্তে উদ্ধাৰ কৰা হয় যদিও এগৰাকীৰ মৃতদেহ উদ্ধাৰ হোৱাৰ লগতে আন এগৰাকী নিৰুদ্দেশ হৈ আছিল৷ নিৰুদ্দেশ হৈ থকা বিএছএফ জোৱানৰ মৃতদেহ ৩০ ঘণ্টাৰ ভিতৰত আজি উদ্ধাৰ কৰা হয়। শুকুৰবাৰে দিনৰ প্ৰায় ১ বজাত ৫ বিএছএফ জোৱানে এএছ-০১-ডব্লিউ-১৭০৮ নম্বৰৰ জিপচিত নিয়মিত তহল দিবলৈ অহাৰ সময়তে নিয়ন্ত্ৰণ হেৰুৱাই জলাশত পৰে। পথৰ পৰা পৰি জলাশয়ত ডুব যায়। বাহনখনৰ পৰা তিনি জোৱানে প্ৰাণ ৰক্ষা কৰি জলাশয়ৰ পৰা উঠি আহে যদিও বাহনখনৰ চালক আৰু কনিষ্টবল নিখোজ হয়। এছডিআৰএফ-এনডিআৰএফ, আৰক্ষী-বিএছএফ বাহিনীয়ে ৰাইজৰ সহযোগত উদ্ধাৰ অভিযান চলাই চালক ধৰ্মেন্দ কাছানা উদ্ধাৰ কৰে। কিন্তু জোৱানজনক উদ্ধাৰ কৰিবলৈ সক্ষম হোৱা নাছিল৷ শনিবাৰে পুৱা পুনৰ অভিযান চলাই নিখোজ জিতেন্দ্ৰ কুমাৰ পাণ্ডেৰ মৃতদেহ উদ্ধাৰ কৰিবলৈ সক্ষম হয়। মৃতদেহ মৰণোত্তৰ পৰীক্ষাৰ বাবে ধুবুৰীলৈ নিয়া হৈছে। নিহত ধৰ্মেন্দৰৰ ঘৰ পঞ্জাৱত আৰু জিতেন্দ্ৰৰ কুমাৰ পাণ্ডেৰ ঘৰ বিহাৰত।