ডিজিটেল ডেস্কঃ NEET-JEE প্ৰবেশিকা পৰীক্ষা অনুষ্ঠিত কৰিব খোজা কেন্দ্ৰীয় চৰকাৰৰ সিদ্ধান্তৰ বিৰুদ্ধে একাংশ লোক সৰৱ হৈ পৰিছে৷ সমগ্ৰ দেশত NEET-JEE প্ৰবেশিকা পৰীক্ষা অনুষ্ঠিত কৰাৰ বিষয়ত বিতৰ্ক আৰম্ভ হোৱাৰ লগতে শাসক-বিৰোধীয়ে মন্তব্য প্ৰকাশ কৰি আহিছে৷ এইবাৰ মন্তব্য প্ৰকাশ কৰিছে কংগ্ৰেছৰ প্ৰাক্তন ৰাষ্ট্ৰীয় অধ্যক্ষ ৰাহুল গান্ধীয়ে৷ ক’ৰোনা কালত ছাত্ৰৰ সুৰক্ষাৰ কথা চিন্তা নকৰি পৰীক্ষা অনুষ্ঠিত কৰিব খোজাত কংগ্ৰেছে ছাত্ৰৰ হিতৰ বাবে স্পীক আপ ফৰ ষ্টুডেণ্ট হেছটেগৰ প্ৰচলন কৰি ছাত্ৰৰ সপক্ষে থিয় দিছে৷

ৰাহুল গান্ধীয়ে এটা ভিডিঅ’ শ্বেয়াৰ কৰি ছাত্ৰৰ হিতৰ কথা উল্লেখ কৰি চৰকাৰক আক্ৰমণ কৰে৷ ছাত্ৰক সম্বোধন কৰি কয় যে এওলোক কালিৰ ভৱিষ্যত৷ তেওঁলোকে স্পষ্টকৈ দেখা পাইছে যে কেন্দ্ৰীয় চৰকাৰক সম্পূৰ্ণ ৰূপে অক্ষম৷ তেন্তে চৰকাৰে আপোনালোকৰ ওপৰত হেঁচা দিছে কিয়? ভিডিঅ’ত ৰাহুল গান্ধীয়ে কয় যে ভাতৃ-ভগ্নীসকল নমস্কাৰ৷ আপোনালোক এই দেশৰ ভৱিষ্যত৷ আপোনালোক ছাত্ৰ হয় আৰু এই দেশক নতুন শিখৰলৈ লৈ যাব৷ সকলোৱে বুজি পাইছে ৩-৪ মাহৰ পৰা কি হয় আছে৷ কোভিডক কেনেদৰে নিয়ন্ত্ৰণ কৰা হৈছে৷ কোভিড বিনাশৰ কাৰণ হৈ পৰিছে৷ আৰ্থিক পৰিবেশত ইয়াৰ প্ৰভাৱ পৰিছে৷ দেশে এই দুখ সহিব লগীয়া হৈছে৷ মই এটা কথা বুজি পোৱা নাই যে ইয়াৰ বাবে আপোনালোকক জগৰীয়া কিয় কৰা হৈছে আৰু এই দুখ আপোনালোক কিয় দিয়া হৈছে৷ মই বুজি পোৱা নাই যে আপোনালোকে এনে কি ভুল কৰিলে৷ মই স্পষ্ট যে চৰকাৰ অক্ষম৷ চৰকাৰে আপোনালোকক হেঁচা কিয় দিব লাগে বুলি কৈ NEET-JEE প্ৰবেশিকা পৰীক্ষা অনুষ্ঠিত কৰাৰ বিপক্ষে থিয় দিয়ে ৰাহুল গান্ধীয়ে৷