নাজিৰাঃ ৰাজ্যত ক’ৰোনাৰ সংক্ৰমণ বৃদ্ধি পোৱাৰ সময়তে একাংশ লোকে চৰকাৰে বান্ধি দিয়া নিয়ম উলংঘা কৰি ঘূৰি-ফুৰা দেখা যায়। নিজক আৰু সমাজক ৰক্ষা কৰাৰ স্বাৰ্থত মানসিকতা সলনি কৰিবলৈ যেন প্ৰস্তুত নহয় একাংশ লোক। তাৰ মাজতে বহিঃৰাজ্যৰ পৰা আহি অসমৰ কোৱাৰাণ্টাইন চেণ্টাৰসমূহত কোৱাৰাণ্টাইন হৈ থকা লোকসকলকো বহুতেই অন্য দৃষ্টিৰে চাই তেওঁলোকক শত্ৰু জ্ঞান কৰে।

বিশেষকৈ ভাইৰাছৰ পৰা সজাগ-সচেতন হোৱাৰ পৰিবৰ্তে কোৱাৰাণ্টাইন হৈ থকা লোকসকল শত্ৰু জ্ঞান কৰে। এনে মনোভাৱৰ সলনি কৰিবলৈ একাংশ লোক জাগ্ৰত হৈছে। নাজিৰা সমষ্টিৰ বৰবৰুৱা পঞ্চায়তৰ সভানেত্ৰী আইনু বৰগোহাঁয়ে কোৱাৰাণ্টাইন হৈ থকা লোকসকল পদক্ষেপ গ্ৰহণ কৰিছে।

নিজ পঞ্চায়তত কোৱাৰাণ্টাইন চেণ্টাৰসমূহত কোৱাৰাণ্টান হৈ থকা বহু লোকক নিজ খৰছত খাদ্যৰ যোগান ধৰিছে আইনু বৰগোহাঁয়ে। সভানেত্ৰী হিচাপে নিজৰ দায়িত্ব পালন কৰাৰ উপৰিও এনেধৰণৰ বহু কৰ্ম তেওঁ অঞ্চলটোৰ কাৰণে কৰি আহিছে। কোৱাৰেণ্টাইন হৈ থকা লোকসকলে কয় যে একাংশ লোক আমাৰ পৰা পলাই ফুৰিছে আৰু সেই সময়ত এগৰাকী পঞ্চায়ত সভানেত্ৰীয়ে আমাক খাদ্যৰ যোগান ধৰিবলৈ আগবাঢ়ি আহিছে।