ৰাম নৱমী উপলক্ষে হোষ্টেলৰ কেণ্টিনত আমিষ খাদ্য বাৰণ অভিযোগত দেওবাৰে জৱাহৰলাল নেহৰু বিশ্ববিদ্যালয় চমুকৈ জেএনইউ চৌহদত ছাত্ৰ-ছাত্ৰীৰ দুটা গোটৰ মাজত সংঘৰ্ষ লগাত কেইবাগৰাকী ছাত্ৰ আহত হয়। জেএনইউৰ কাবেৰী হোষ্টেলত আবেলি ৩.৩০ বজাত সংঘাত সংঘটিত হৈছে। জৱাহৰলাল নেহৰু বিশ্ববিদ্যালয় ছাত্ৰ একতা সভাই অভিযোগ কৰি কয় যে বিজেপিৰ ভাতৃ সংগঠন অখিল ভাৰতীয় বিদ্যাৰ্থী পৰিষদৰ (এবিভিপি) সদস্যই মেছ সচিবক আক্ৰমণ কৰে আৰু কৰ্মচাৰীসকলক হোষ্টেলত আমিষ খাদ্য খোৱাত বাধা দিয়ে।

ইপিনে বিজেপিৰ ছাত্ৰ শাখা এবিভিপিয়ে দাবী কৰি যে বাওঁপন্থী সংগঠনসমূহৰ সদস্যসকলে হোষ্টেলত পূজা অনুষ্ঠিত কৰাত বাধা দিবলৈ চেষ্টা কৰিছিল। দুয়োপক্ষই শিল নিক্ষেপ কৰাত বহু ছাত্ৰ আঘাত হোৱাৰ অভিযোগ উত্থাপন হৈছে। আৰক্ষী চৌহদত মোতায়েন কৰা হৈছে।

দক্ষিণ-পশ্চিম দিল্লীৰ আৰক্ষী উপায়ুক্ত মনোজ চিয়ে কয় যে এতিয়ালৈকে কোনো হিংসাত্মক ঘটনা সংঘটিত হোৱা নাই। প্ৰতিবাদ হৈছিল যিটো সমাপ্ত হৈছে। আৰক্ষীৰ দলৰ সৈতে ইয়াত আমি আছো। বিশ্ববিদ্যালয়ৰ অনুৰোধত আমি ইয়ালৈ আহিছো। আমি শান্তি বজাই ৰাখিবলৈ চেষ্টা কৰি আছো।

ছাত্ৰ একতা সভাই এঅভিযোগ কৰিছে যে এবিভিপিয়ে হুলস্থুল সৃষ্টি কৰিব প্ৰহাৰ কৰাৰ লগতে গুণ্ডামিত লিপ্ত হয়। এক বিবৃতিত ছাত্ৰ একতা সভাই কয় যে সকলো শিক্ষাৰ্থীৰ বাবে ৰাতিৰ আহাৰৰ মেনু সলনি কৰাৰ বাবে সাধাৰণ নন-ভেজ খাদ্য আঁতৰোৱাৰ বাবে মেছ সমিতিক আক্ৰমণ কৰা হৈছিল। জেএনইউৰ হোষ্টেলবোৰ সকলো শ্ৰেণীৰ শিক্ষাৰ্থীৰ বাবে ই কেৱল এটা নিৰ্দিষ্ট শ্ৰেণীৰ বাবে নহয়।

কিন্তু অভিযোগ এবিভিপিয়ে অস্বীকাৰ কৰিছে। ৰাম নৱমীৰ পৱিত্ৰ উপলক্ষে কিছুমান শিক্ষাৰ্থীয়ে আবেলি ৩.৩০ বজাত কাৱেৰী হোষ্টেলত পূজা আৰু হৱন কাৰ্যসূচীৰ আয়োজন কৰিছিল। জেএনইউৰ বহু সংখ্যক সাধাৰণ শিক্ষাৰ্থীয়ে পূজাত উপস্থিত আছিল। যাৰ পিছতে বাওঁপন্থী ছাত্ৰ-ছাত্ৰীসকলে প্ৰতিবাদ কৰিবলৈ আহে আৰু পূজাত বাধা দিয়ে। তেওঁলোকে খাদ্যৰ অধিকাৰ নন-ভেজ খাদ্যৰ বিষয়ত এক মিছা হুলস্থূল সৃষ্টি কৰা হৈছে বুলি কয় এবিভিপিয়ে।