ISISৰ সন্ত্ৰাসবাদী জালত পৰাৰ পিছতে দিল্লীত অত্যাধুনিক মেচিনেৰে অভিযান এনএছজিৰ
- Update Time : Saturday, August 22, 2020
- 104 Time View
ডিজিটেল ডেস্কঃ ৰাজধানী দিল্লীৰ ৰিজ ৰোড এলেকাত কুখ্যাত সন্ত্ৰাসবাদী সংগঠন আইএছআইএছৰ সৈতে সম্পৰ্ক থকাৰ সন্দেহত এজন লোকক নিৰাপত্তাৰক্ষীয়ে গ্ৰেপ্তাৰ কৰিছে৷
উক্ত লোকজনে বিস্ফোৰকসহ গ্ৰেপ্তাৰ কৰা বুলি খবৰ প্ৰচাৰ হোৱাৰ পিছতে দিল্লীত উত্তেজনা বিয়পিছে৷ লোকজনক জালত পেলোৱাৰ পিছতে তদন্তকাৰী দলে ব্যাপক হাৰত দেশৰ বিভিন্ন এলেকাত অভিযান আৰম্ভ কৰিছে৷
দিল্লীৰো বিভিন্ন এলেকাত অভিযান আৰম্ভ কৰিছে তদন্তকাৰী সংস্থাই৷ ৰাষ্ট্ৰীয় সুৰক্ষা বাহিনীৰ এটা দলে দিল্লীৰ বুদ্ধ জয়ন্তী পাৰ্কত অত্যাধুনিক সজুলিসহ অভিযান চলাই থকা পৰিলক্ষিত হৈছে৷ অভিযানকাৰী গোটে এটা অত্যাধুনিক মেচিন ব্যৱহাৰ কৰা পৰিলক্ষিত হৈছে৷ এই মেচিন এতিয়া আকৰ্ষণৰ কেন্দ্ৰবিন্দু হৈ পৰিছে৷ কেইবাটাও সংবাদ প্ৰতিষ্ঠানে এই মেচিন সন্দৰ্ভত সংবাদ প্ৰকাশ কৰিছে৷
সন্ত্ৰাসবাদীৰ পৰা নিৰাপত্তাৰক্ষীয়ে দুটা প্ৰেচাৰ কুকাৰ, ২ আইডি, ১৫ কিলো বিস্ফোৰক উদ্ধাৰ কৰিছে৷ আশংকা কৰা মতে, সন্ত্ৰাসবাদীৰ দলে বৃহৎ কাণ্ড সংঘটিত কৰিবলৈ যোজা চলাই আছিল৷
