জোনমণি বেগম, বিশ্বনাথঃ বিশ্বনাথ জিলাত ইজনৰ পিছত সিজন লোকৰ দেহত ক’ৰোনা পজিটিভ পোৱাৰ পিছতে শংকতি হৈ পৰিছে ৰাইজ। ক’ৰোনাৰ প্ৰকোপ বৃদ্ধিৰ পিছতে জিলাখনৰ স্বাস্থ্য বিভাগ তথা জিলা প্ৰশাসনৰ থৰকাছুটি হেৰাইছে। বৃহস্পতিবাৰে পুনৰ বিশ্বনাথৰ জিনজিয়াৰ কুহিয়াৰবাৰীত হোম কোৱাৰাণ্টাইনত থকা প্ৰিয়ংকা শৰ্মা নামৰ যুৱতীগৰাকীৰ ফলাফল পজিটিভ পোৱা গৈছে বুলি জানিব পৰা গৈছে। কুহিয়াৰবাৰীৰ প্ৰিয়ংকা শৰ্মাইপ যোৱা ২১ জুনত দিল্লীৰ পৰা গুৱাহাটীলৈ আৰু গুৱাহাটীৰ পৰা এখন ইনভাৰে নিজ বাসগৃহলৈ আহে।

বিশ্বনাথৰ কুহিয়াৰবাৰী ঘৰলৈ আহি প্ৰিয়ংকা কোৱাৰাণ্টাইন হৈ থকাৰ লগতে স্বাস্থ্য বিভাগে নমুনা সংগ্ৰহ কৰি পৰীক্ষাৰ ব্যৱস্থা কৰিছিল। বহিঃ ৰাজ্যৰ পৰা অহা যুৱতীগৰাকীক স্বাস্থ্য বিভাগে ঘৰতে কোৱাৰাণ্টাইন কৰিছিল। ২৬ বছৰীয়া যুৱতীগৰাকী চিকিৎসা বিজ্ঞানৰ ছাত্ৰী। অধ্যয়ন সমাপ্ত কৰি ঘৰলৈ উভতি অহাৰ পিছতে যুৱতীগৰাকীৰ পিতৃ ক’ৰোনাত আক্ৰান্ত হয়। অভিযোগ মতে, পিতৃয়ে হাট-বজাৰলৈও ওলাই গৈছিল।

আনহতে কোৱাৰাণ্টাইনৰ মাজতে যুৱতীগৰাকীৰ ঘৰত বহু লোকে অহা-যোৱা কৰা আছিল। গোবিন্দ গোড় নামৰ ব্যক্তিজন গাখীৰ দিবলৈ আহিছিল, যাদু ঘোচ নামৰ ব্যক্তিজনৰ দোকানলৈ গৈছিল পিতৃ। যাদু ঘোচৰ ঘৰ লালপানিত। কুহিয়াৰবাৰীৰে পাপন বনিয়া আৰু এগৰাকী ৰাজমিস্ত্ৰী প্ৰিয়ংকাৰ ঘৰলৈ আহিছিল। সলমণি গোড় নামৰ এৰাগাঁঙৰ মহিলা এগৰাকীয়ে দিন হাজিৰা কৰে তেওঁলোকৰ ঘৰত। ভুৱন নামৰ এগৰাকী চালক প্ৰিয়ংকা ঘৰলৈ অহাৰ সময়ত লগতে আছিল।