ডিজিটেল ডেস্কঃ বলিউদৰ অভিনেত্ৰী ৰিয়া চক্ৰৱৰ্তীয়ে বিগত ২৪ ঘণ্টাত কেইবাটাও নিউজ চেনেলক দিয়া সাক্ষাৎকাৰত তেওঁৰ বিৰুদ্ধে উত্থাপিত কেইবাটাও অভিযোগ খণ্ডন কৰিছে৷ বলিউদৰ জনপ্ৰিয় অভিনেতা সুশান্ত সিং ৰাজপুতৰ আত্মহত্যা কাণ্ডৰ গোচৰৰ তদন্ত চিবিআই-এ কৰি থকাৰ সময়তে হত্যাকাণ্ডৰ অভিযুক্ত তথা সুশান্তৰ প্ৰেয়সী অভিনেত্ৰী ৰিয়া চক্ৰৱৰ্তীয়ে নিউজ চেনেলক দিয়া সাক্ষাৎকাৰত অভিযোগসমূহ খণ্ডন কৰে৷

আনকি ৰিয়াই সুশান্তৰ পৰিয়ালক এক বাৰ্তা দি কয় যে মোক আৰু মোৰ পৰিয়ালক ধ্বংস কৰিবলৈ চেষ্টা নকৰিব৷ ৰিয়াই কয় যে ভিত্তিহীন অভিযোগত মই আৰু মোৰ পৰিয়াল ভাগৰি পৰিছো৷ অসহনীয় মানসিক উৎপীড়নৰ সন্মুখীন হ’বলগীয়া হৈছে৷ সুশান্তৰ পিতৃৰ প্ৰশ্নৰ উত্তৰ দি ৰিয়াই কয় যে এয়া দুখজনক যে কোনেৱে দুখৰ মাজেৰে জীয়াই আছে তেওঁ বুজি পোৱা নাই৷ মই তেওঁৰ পুত্ৰক ভাল পাইছিলো৷ মানৱতা নামৰ কোনো বস্তুৱে নাই৷ মই তেওঁৰ পুত্ৰক চোৱা-চিতা কৰিছো৷ মোৰ বাবে নহয় তেওঁৰ ভালপোৱাক সন্মান কৰক৷ আপুনি মোক তেওঁৰ প্ৰেমিকা ৰূপে পচন্দ নকৰিব পাৰে৷ এই গোচৰে মোৰ সাধাৰণ, নিৰ্দোষ আৰু মধ্যমবৰ্গীয় পৰিয়ালক বৰ্বাদ কৰি আছে৷

ৰিয়াই সাক্ষাৎকাৰত কয় যে সুশান্তৰ ‘ডিপ্ৰেছন’ সন্দৰ্ভত পৰিয়ালৰ সংস্পৰ্শত আছিল৷ আনহাতে সুশান্তৰ পৰিয়ালক ৰিয়াই কয় যে মোক আৰু মোৰ পৰিয়ালক ধ্বংস নকৰিব৷ মই নিজে বিচাৰো যে সত্য পোহৰলৈ আহক৷ কিন্তু মোক লক্ষ্য কৰিলৈ নহয়৷ সুশান্তৰ ভগ্নী নিতুৰ বিষয়ে কোনোৱেও কিয় একো নকয়৷ যদি সেই সপ্তাহত অস্বাস্থ্য আছিল তেন্তে তেওঁক অকলে কিয় এৰি দিছিল বুলি ৰিয়াই প্ৰশ্ন কৰে সুশান্তৰ ভগ্নীক৷

মহাৰাষ্ট্ৰ চৰকাৰৰ বিৰুদ্ধে উচ্চতম ন্যায়ালয়ে ৰায় দান প্ৰদান কৰি বলিউদৰ অভিনেতা সুশান্ত সিং ৰাজপুত গোচৰৰ তদন্তৰ ভাৰ চিবিআই-এ অৰ্পণ কৰিছিল৷ মহাৰাষ্ট্ৰ চৰকাৰৰ বিৰুদ্ধে গৈ উচ্চতম ন্যায়ালয়ে গোচৰৰ তদন্তৰ ভাৰ কেন্দ্ৰীয় তদন্তকাৰী সংস্থা চিবিআইক প্ৰদান কৰে৷ মহাৰাষ্ট্ৰ চৰকাৰে চিবিআইৰ তদন্তৰ বিৰুদ্ধে মতপোষণ কৰি থকাৰ সময়তে অভিনেত্ৰী ৰিয়া চক্ৰৱৰ্তীৰ আৰ্জিৰ ৰায়দান প্ৰদান কৰি উচ্চতম ন্যায়লয়ে স্পষ্ট কৰি কয় যে এতিয়াৰ পৰা এই গোচৰৰ তদন্ত কৰিব চিবিআই-এ৷ আদালতে পাটনাত ৰুজু হোৱা গোচৰকো সঠিক বুলি কৈছিল৷

উল্লেখ্য যে, জনপ্ৰিয় অভিনেতা সুশান্ত ৰাজপুটৰ আত্মহত্যাৰ ঘটনাৰ প্ৰায় ২ মাহৰ অন্তত বিহাৰৰ এখন আৰক্ষী থানাত পিতৃয়ে এজাহাৰ দাখিল কৰিছিল সুশান্তৰ প্ৰেয়সী অভিনেত্ৰী ৰিয়া চক্ৰৱৰ্তীৰ বিৰুদ্ধে৷ ৰিয়া চক্ৰৱৰ্তীৰ বিৰুদ্ধে কেইবাটাও গুৰুতৰ অভিযোগ উত্থাপন কৰি উচিত তদন্তৰ দাবী কৰিছে সুশান্তৰ পিতৃ কে কে সিঙে৷ ২৫ জুলাইত গোপনে পাটনাৰ এখন থানালৈ গৈ এজাহাৰ দাখিল কৰে কে কে সিঙে৷ সুশান্তৰ পিতৃয়ে এজাহাৰ দাখিল কৰাৰ পিছতে ৰিয়া চক্ৰৱৰ্তীয়ে উচ্চতম ন্যায়ালয়ত আৰ্জি দি গোচৰৰ তদন্ত মুম্বাইত কৰিবলৈ আৰু গোচৰ মুম্বাইলৈ বদলি কৰিবলৈ আহ্বান জনাইছিল৷

আত্মহত্যা কাণ্ডৰ তদন্ত চিবিআইক প্ৰদান কৰিবলৈ দাবী উত্থাপন হৈ আহিছে যদিও পৰিয়ালে এই দাবী উত্থাপন কৰা নাছিল৷ পিছত পৰিয়ালে চিবিআই তদন্ত দাবী কৰাত কেন্দ্ৰীয় চৰকাৰে গোচৰৰ তদন্তৰ দায়িত্ব চিবিআইক প্ৰদান কৰিছে৷ মুম্বাই আৰক্ষীয়ে সুশান্তৰ মৃত্যু কাণ্ডৰ তদন্ত কৰি আছিল যদিও মুম্বাই আৰক্ষীয়ে তদন্ত সঠিক ভাৱে নকৰাৰ অভিযোগ উত্থাপন কৰি বিহাৰৰ পাটনাৰ ৰাজীৱ নগৰ আৰক্ষী থানাত তিনি পৃষ্ঠাৰ এজাহাৰ দাখিল কৰিছিল৷ এজাহাৰৰ ভিত্তিত বিহাৰ আৰক্ষীৰ এটা দল অভিনেত্ৰী ৰিয়াক সোধ-পোছৰ বাবে মুম্বাইত উপস্থিত হয় যদিও বৃহ মুম্বাই নগৰপালিকাই পাটনী আৰক্ষীৰ দলক কোৱাৰাণ্টাইন কৰিছিল৷

সুশান্ত সিঙৰ পিতৃ কে কে সিঙে এজাহাৰ দাখিল কৰাৰ পিছতে ঘটনাই নতুন মোৰ লয়৷ এজাহাত সুশান্তৰ প্ৰেমিকা ৰিয়া চক্ৰৱৰ্তীৰ বিৰুদ্ধে সুশান্তৰ পৰা অৰ্থ আদায় কৰা, কামত বাধা দিয়া, পৰিয়ালৰ পৰা দূৰত ৰখা আৰু শেষত সুশান্তৰ সৈতে সম্পৰ্ক ছেদ কৰাৰ অভিযোগ উত্থাপন কৰে৷ আত্মহত্যা কাণ্ডৰ তদন্ত বিহাৰ আৰক্ষীৰ দ্বাৰা কৰিবলৈ দাবী জনাইছিল সুশান্তৰ পৰিয়ালে৷

সুশান্তৰ মৃত্যুৰ দুমাহ পাৰ হৈ গৈছে আৰু এই পৰ্যন্ত ৩৬গৰাকী লোকক সোধ-পোছ কৰিছে৷ যোৱা ১৪ জুনত সুশান্তৰ মৃতদেহ মুম্বাইৰ বান্দ্ৰাস্থিত ঘৰত উদ্ধাৰ হৈছিল৷ সুশান্তে চিপ লৈ আত্মহত্যা কৰা বুলি প্ৰচাৰ হয় যদিও একাংশ লোকে হত্যাৰ অভিযোগে উত্থাপন কৰি আহিছে৷