ৰাজ্যৰ চৰকাৰী বিভাগত ব্যাপক দুৰ্নীতি সংঘটিত হোৱাৰ অভিযোগ দুৰ্নীতি বিৰোধী মানৱ অধিকাৰ সুৰক্ষা মঞ্চৰ
- Update Time : Wednesday, August 26, 2020
- 160 Time View
গুৱাহাটীঃ বৰ্তমানৰ বিজেপি নেতৃত্বাধীন চৰকাৰৰ কাৰ্যকালত চৰকাৰী বিভাগৰ কৃষি, জল সম্পদ, ভূমি সংৰক্ষণ, জনস্বাস্থ্য কাৰিকৰী বিভাগ আৰু গ্ৰামোন্নয়নত সংঘটিত হোৱা ব্যাপক কেলেংকাৰীৰ বিৰুদ্ধে তদন্তৰ বাবে দাখিল কৰা প্ৰতিবেদনৰ আজিকোপতি কোনো উত্তৰ নোলালে৷ – আজি এক প্ৰেছ বিজ্ঞপ্তিৰ জৰিয়তে এই কথা সদৰি কৰিছে দুৰ্নীতি বিৰোধী মানৱ অধিকাৰ সুৰক্ষা মঞ্চ, অসমে৷
সংগঠনটোৰ নেতৃত্বই বিজ্ঞপ্তিটোত উল্লেখ কৰা অনুসৰি, চৰকাৰী বিভাগীয় আঁচনি সমূহত সংঘটিত ব্যাপক ধনৰ অপব্যৱহাৰ আৰু চলি থকা লুন্ঠনৰ সমূহ তথ্য চৰকাৰৰ ওচৰত দাখিল কৰিছিল৷ কিন্তু এই সমূহৰ তদন্তৰ প্ৰতিবেদন আজিকোপতি সংগঠনটোৱে লাভ নকৰিলে৷
তদুপৰি তদন্তৰ বাবে চিআইডি, দুৰ্নীতি নিবাৰক শাখাক কেছ ফাইল কৰাৰ লগতে মুখ্যমন্ত্ৰী আৰু দেশৰ প্ৰধানমন্ত্ৰীলৈ পত্ৰ প্ৰেৰণ কৰা পাছতো কোনো ব্যৱস্থা গ্ৰহণ নকৰিলে৷ সেয়েহে আজি তথ্য সহকাৰে দাখিল কৰা অভিযোগ সমূহৰ তদন্তৰ বাবে চৰকাৰক দাবী জনাইছে দুৰ্নীতি বিৰোধী মানৱ অধিকাৰ সুৰক্ষা মঞ্চ, অসমে৷
