বৰপেটাৰোডঃ শাসকীয় বিজেপি দলৰ এগৰাকী নেতাই ৰাজপথত স্থানী দোকান গৃহ নিৰ্মাণ কৰাত তীব্ৰ প্ৰতিক্ৰিয়াৰ সৃষ্টি হৈছে বৰপেটাৰোডত৷ পৌৰসভাৰ পৰা আৱণ্টন পােৱা অস্থায়ী বজাৰ গৃহ পকী কৰি স্থায়ী ভাৱে নির্মাণ কৰিবলৈ আৰম্ভ কৰা কাৰ্যত প্রতিক্রিয়া সৃষ্টি হৈছে বৰপেটাৰোডত।

বিশেষকৈ ৰাজপথৰ দাঁতিতে পৌৰসভাৰ তদানীন্তন বর্ডে কেৱল নিজৰ মুনাফাৰ বাবে গাখীৰ বজাৰৰ বাবে ৰখা এক অস্থায়ী বজাৰ গৃহ আৱণ্টন দিয়া বিষয়টোক লৈ প্রতিক্রিয়াৰ সৃষ্টি হৈছে। যান-জোঁট সমস্যাৰে ভাৰাক্ৰান্ত বৰপেটাৰােডৰ পথসমূহ পূর্বৰ পৰিকল্পনা অনুসৰি বেচ আহল-বহল। যাৰ বাবে যান-জোঁটৰ সমস্যা নিয়ন্ত্রণ কৰি পথৰ একাংশত পার্কিঙৰ সুবিধা কৰাৰ সুযােগ আছে। পিছে সবিতা দেৱনাথ নেতৃত্বাধীন তদানীন্তন পৌৰ বর্ডে চহৰখনৰ মুড়ি বজাৰৰ অস্থায়ী এটি বজাৰগৃহ অতি কৌশলেৰে কেৱল এজন স্থানীয় বিজেপি নেতাৰ নামত আৱণ্টন দিয়ে।

আৱণ্টন নিবিদাৰ জৰিয়তে লাভ কৰি অস্থায়ী বজাৰ গৃহটো মেৰামতি কৰাে বুলি বৰ্তমানৰ পৌৰসভাৰ কাৰ্যবাহী বিষয়াৰ পৰা অনুমতি লৈ বৃহৎ পকী বজাৰগৃহ নির্মাণৰ বাবে বিজেপিৰ নেতাজন উঠিপৰি লাগিছে। ফলত ৰাজপথৰ এটি বৃহৎ অংশ চিৰদিনৰ বাবে বন্ধ হৈ যােৱাৰ উপৰিও ভৱিষ্যতে এই ঠাই ডােখৰ কে’বা কোটিত যে বিক্রী হ’ব সেয়া নিশ্চিত। তদুপৰি ভৱিষ্যতে পৌৰসভাই সেই স্থানত পার্কিঙৰ ব্যৱস্থা কৰিব নােৱাৰাটো খাটাং।

আনহাতে, বিজেপিৰ নেতাজনৰ নির্মীয়মান বজাৰ গৃহৰ কাষতে ৰহস্যজনকভাৱে জনৈক বিপ্লৱ নামৰ এজন পাইকাৰী প্রতিষ্ঠিত কাপােৰ ব্যৱসায়ীয়ে এজন কমাৰৰ জৰিয়তে এটা অংশ দখল কৰি ৰাখিছে যদিও এই ক্ষেত্ৰতাে নিমাত হৈ আছে পৌৰসভা। একমাত্র ৰাজনৈতিক মুনাফাৰ স্বাৰ্থত বৰপেটাৰােড পৌৰসভাৰ এনে নীতিয়ে যে অনাগত দিনত আন কোনে লোকে ৰাজপথত বেদখল চলাই চহৰখনৰ যান-োঁজটৰ সমস্যাক অধিক ভয়ংকৰ কৰি তুলিব সেয়া নির্ঘাত।