ৰাইপাটৰ দৰিদ্ৰ পৰিয়ালৰ ৩ সন্তানে লাভ কৰিলে কনিষ্টবলৰ চাকৰি
- Update Time : Friday, May 13, 2022
- 147 Time View
পংকজ নাথঃ দৰিদ্ৰতা যে সফলতাৰ হেঙাৰ নহয় সেই কথাকে পুনৰ প্ৰমাণ কৰিলে কামৰূপৰ ৰাইপাটৰ একেটা পৰিয়ালৰ ৩ সন্তানে। অসম আৰক্ষীৰ কনিষ্টবল পদৰ পৰীক্ষাত সফলতা লাভ কৰিছে একেটা পৰিয়ালৰ তিনি সন্তানে৷ বহু দৰিদ্ৰ ঘৰৰ লৰা-ছোৱালীয়ে কৰ্মসংস্থান লাভ কৰাৰ দৰেই কামৰূপ জিলাৰ কমলপুৰ সমষ্টিৰ অন্তৰ্গত ৰাইপাটৰ দৰিদ্ৰ পৰিয়ালৰ ৩ সন্তানে আৰক্ষীৰ কনিষ্টবল চাকৰি লাভ কৰিছে৷ সদ্য ঘোষিত কনিষ্টবলৰ পৰীক্ষাত সফলতা অৰ্জন কৰি অসম আৰক্ষীত নিযুক্তি লাভ কৰি দৰিদ্ৰ পৰিয়ালৰ সন্তান শৈলেন্দ্ৰ দাস, টিকেন্দ্ৰ দাস আৰু সৌৰভ দাসে৷ দুজন সহোদৰ ভাই-ককাই আৰু আনজন খুৰাকৰ লৰা। দৰিদ্ৰ পৰিয়ালটোৰ কন্যা অৰ্পণা দাসেও টেটত নিযুক্তি লাভ কৰিবলৈ সক্ষম হৈছে। ৰাইপাটৰে কংকণজ্যোতি দাস আৰু ৰাজীৱ দাসে চাকৰি লাভ কৰিছে। ৰাইপাটৰ দৰিদ্ৰ ও মধ্যবিত্ত ঘৰৰ যুৱক-যুৱতীৰ সফলতাত সকলোৱে আনন্দিত হৈছে চৰকাৰৰ নিযুক্তি প্ৰক্ৰিয়াৰ শলাগ লৈছে৷ স্বচ্ছ-নিকা নিযুক্তি প্ৰক্ৰিয়াই দৰিদ্ৰৰ মেধাসম্পন্ন যুৱক-যুৱতীক উৎসাহিত কৰিছে৷
