ৰহমৰীয়াৰ গৰাখহনীয়াৰ পৰিস্থিতিৰ বুজ ল’লে মুখ্যমন্ত্ৰী সৰ্বানন্দ সোণোৱালে
- Update Time : Monday, July 13, 2020
- 120 Time View
লাহোৱালঃ ভয়াৱহ খহনীয়াৰ কৱলত ডিব্ৰুগড় জিলাৰ লাহোৱালৰ ৰহমৰীয়াৰ ৰাইজ। মহাবাহু ব্ৰহ্মপুত্ৰই এখনৰ পাছত এখনকৈ ৰহমৰীয়া বহু গাঁও খহাই নিছে। ইতিমধ্যে গৃহ হাৰা হৈছে বহু পৰিয়াল। নদীত জাহ গৈছে বহুতৰ সপোনৰ ঘৰখন।
চকুৰ আগৰতে হেৰাই গৈছে শ শ বিঘা কৃষি ভূমি। আজি ডিব্ৰুগড়ৰ ৰহমৰীয়াত উপস্থিত হয় মুখ্যমন্ত্ৰী সৰ্বানন্দ সোণোৱাল। লগতে জল সম্পদ মন্ত্ৰী কেশৱ মহন্ত, কেন্দ্ৰীয় মন্ত্ৰী তথা ডিব্ৰুগড়ৰ সাংসদ ৰামেশ্বৰ তেলী, লাহোৱাল সমষ্টিৰ বিধায়ক ঋতুপৰ্ণ বৰুৱাই ৰহমৰীয়াত উপস্থিত হৈ পৰিস্থিতি বুজ লয়।
মুখ্যমন্ত্ৰী সৰ্বানন্দ সোণোৱালৰ জন্মস্থানৰ কাষতে থকা ৰহমৰীয়াৰ ঐতিহাসিক মোমাই তামুলী পথৰ ব্ৰহ্মপুত্ৰৰ প্ৰৱল গৰাখহনীয়া জাহ যোৱাত স্থানত উপস্থিত হৈ ২৫ কোটি টকা আগবঢ়াই গৰাখহনীয়াৰ বাবে। ইফালে মুখ্যমন্ত্ৰীৰ লগতে জল সম্পদ মন্ত্ৰী কেশৱ মহন্তই এই দিশত অতি সোনকালে কাম কৰিবলৈ বিভাগীয় কৰ্তৃপক্ষক নিদেৰ্শ দিয়ে।
