ডিজিটেল ডেস্কঃ উত্তৰ প্ৰদেশৰ কুখ্যাত অপৰাধী, ৮ আৰক্ষীৰ হত্যাকাৰী বিকাশ ডুবেক বৰ্তমানেও আৰক্ষীয়ে গ্ৰেপ্তাৰ কৰিবলৈ সক্ষম হোৱা নাই যদিও আৰক্ষীয়ে আজি কানপুৰৰ বিকৰুগাঁৱৰ ঘৰত বুলডজাৰ চলাই আৰক্ষীয়ে। ২ বিঘা এলেকাৰ ঘৰৰ চৌদিশৰ দেৱাল আৰু ভিতৰৰ বিলাসী অট্টালিকা মুহূৰ্তেত জেচিবেৰে ভাঙি পেলায় প্ৰশাসনে৷

বিকাশৰ অট্টালিকা ভাঙি পেলোৱাৰ লগতে কেইবাখনো বিলাসী চাৰিচকীয়া বাহন জেচিবেৰে ভাঙি উৎসাত কৰে৷ বিকাশ ডুবেৰ কোটিটকীয়া অট্টালিকা আৰু বাহন বুডজাৰেৰে ভাঙি পেলায়৷ যোৱা দুদিন ধৰি বিকাশ ডুবেক ধৰিবলৈ আৰক্ষীয়ে অভিযান চলাই থকাৰ সময়তে আজি বিকাশ ডুবৰে সম্পত্তি নষ্ট কৰে আৰক্ষীয়ে৷ আনহাতে কানপুৰৰ বিকৰুগাঁৱৰ যি ঠাইত বিকাশৰ ঘৰ আছিল সেই ভূমি অবৈধল ভাৱে দখল কৰিছিল বুলি জানিব পৰা যায়৷

উল্লেখ্য যে, ৩ জুলাইত উত্তৰ প্ৰদেশৰ কানপুৰ চহৰত অপৰাধীক ধৰিব যোৱা আৰক্ষীক ঘেৰি লৈ গুলীচালনা কৰাত ৮গৰাকীকৈ আৰক্ষী নিহত হৈছিল৷ নিহত আৰক্ষীৰ মাজত এগৰাকী উপ-আৰক্ষী অধীক্ষক, তিনিগৰাকী উপ-পৰিদৰ্শক আৰু চাৰিগৰাকী জোৱান আছিল৷

এই ঘটনা উত্তৰ প্ৰদেশৰ ৰাজধানীৰ পৰা মাথো ১৫০ কিলোমিটাৰ নিলগত সংঘটিত হৈছে৷ তিনিখন আৰক্ষী থানাৰ তিনিটা দলে ঘেৰি লৈ কুখ্যাত অপৰাধী বিকাশ ডুবেক গ্ৰেপ্তাৰ কৰিবলৈ অভিযান চলাই থকাৰ সময়তে আৰক্ষীক ঘেৰি লৈ অপৰাধীৰ দলে নিৰ্বিচাৰ গুলিচালনা কৰাৰ ফলত ৮গৰাকী আৰক্ষীয়ে প্ৰাণ হেৰুৱাই৷

বিকাশ ডুবেৰ নামত ৬০টা গোচৰ ৰুজু হৈ আছে৷ কিছুদিন পূৰ্বে অপৰাধী বিকাশে এগৰাকী লোকক হত্যা কৰিছিল৷ হত্যাৰ গোচৰত বিকাশক গ্ৰেপ্তাৰ কৰিবলৈ বিকাশৰ গাঁৱত উপস্থিত হয় আৰক্ষী৷

আৰক্ষী মহানিৰ্দেশক দিনেশ কুমাৰৰ মতে অপৰাধীক গ্ৰেপ্তাৰ কৰিবলৈ যোৱা আৰক্ষীৰ ওপৰত অপৰাধীয়ে আক্ৰমণ কৰে৷ আৰক্ষীৰ দলৰ ওপৰত তিনিটা দিশৰ পৰা গুলীচালনা কৰে৷ তেওঁলোকে এয়া পৰিকল্পিত ভাৱে কৰিছে বুলি কয় দিনেশ কুমাৰে৷ ডুবেক ধৰিবলৈ অভিযান চলাই থকাৰ সময়তে আৰক্ষীয়ে অবৈধ সম্পত্তিৰ বিৰুদ্ধে অভিযান চলাই৷