March 28, 2023, 2:24 pm
শেহতীয়া খবৰ ▪️
৪ দিনেই সন্ধান নাই শিৱসাগৰৰ পোনা মাছৰ ব্যৱসায়ী মইনা আলিৰ
Reporter Name
- Update Time : Monday, June 29, 2020
- 108 Time View
শিৱসাগৰঃ উজনিৰ শিৱসাগৰ জিলাৰ এগৰাকী লোক যোৱা ৪ দিনেই নিৰুদ্দেশ হৈ থকা ঘটনাই চাঞ্চল্যৰ সৃষ্টি কৰিছে৷ শিৱসগাৰ জিলাৰ চিন্তামনিগড়ৰ মইনা আলি নামৰ লোকজন বিগত ২৫ জুনৰ পৰা সন্ধানহীন হৈ আছে।
পোনা মাছৰ ব্যৱসায় কৰি পৰিয়াল পোহপাল দিয়া লোকগৰাকীয়ে হাটীঘুলি শিলপুখুৰীৰ কোনো লোকৰ পৰা প্ৰাপ্য ধন আনিবলৈ গৈ নিৰুদ্দেশ হৈ থকা বুলি পৰিয়ালৰ লোকে জানিবলৈ দিয়ে৷
পোনা মাছ বাকীত দিয়া টকা আনিবলৈ গৈ আজিও ঘৰলৈ উভতি নাহিল মইনা আলি৷ পৰিয়ালে বিভিন্ন ধৰণে বিচাৰ-খোচাৰ কৰি লোকেজনৰ কোনো শুং-সূত্ৰ লাভ কৰা নাই। পৰিয়ালে স্থানীয় গৌৰীসাগৰ আৰক্ষী থানাত এজাহাৰ দাখিল কৰিছে যদিও আৰক্ষীয়ে কোনো ব্যৱস্থা গ্ৰহণ নকৰাৰ অভিযোগ উত্থাপন কৰিছে পৰিয়ালে।
◼️ তলৰ বাতৰিসমূহো পঢ়িব পাৰে
