March 25, 2023, 5:30 pm
শেহতীয়া খবৰ ▪️
২৪ ঘন্টাত গোলাঘাটত ২৬ জন কৰ’নাত আক্ৰান্ত
লিজা দাস
- Update Time : Friday, July 3, 2020
- 194 Time View
গোলাঘাটঃ বিগত ২৪ ঘন্টাত গোলাঘাট জিলাত ২৬ জন লোকৰ দেহত কভিড-১৯ ভাইৰাছ ধৰা পৰিছে । ইয়াৰে ১৯জন গোলাঘাট নগৰৰ লাইফ লাইন নাৰ্ছিং হ’মৰ আক্ৰান্ত কৰ্মচাৰীৰ সংস্পৰ্শলৈ অহা ব্যক্তি হোৱাৰ বিপৰীতে ৭ গৰাকী আক্ৰান্ত বহিঃৰাজ্যৰ পৰা অহা ব্যক্তি বুলি জানিব পৰা গৈছে।
স্বাস্থ্য বিভাগৰ এক সূত্ৰৰ মতে বহিঃৰাজ্যৰ পৰা আহি বোকাখাটত কোৱাৰেন্টাইন হৈ থকা ৬ জন আৰু গোলাঘাট নাৰ্ছিং প্ৰশিক্ষণ চেন্টাৰত কোৱাৰেন্টাইন হোৱা এজন লোক আক্ৰান্ত হৈছে কভিড-১৯ ত। ইয়াকে লৈ বৰ্তমান গোলাঘাট জিলাত কভিড আক্ৰান্ত লোক সংখ্যা ৫১৯ জনলৈ বৃদ্ধি পালে।
অৱশ্যে বৰ্তমান জিলাখনত ১২৬ জন লোকহে চিকিৎসালয়ত চিকিৎসাধীন হৈ আছে। এই সকলো আক্ৰান্ত ৰোগী গোলাঘাট কভিড হাস্পতালত ভৰ্ত্তি হৈ আছে। ইয়াৰ বিপৰীতে ৩৯৩ জন কভিড আক্ৰান্ত ৰোগীয়ে ইতিমধ্যে আৰোগ্য লাভ কৰি ঘৰলৈ ওভতি গৈছে।
◼️ তলৰ বাতৰিসমূহো পঢ়িব পাৰে
