হিমালয়ৰ পাদদেশ আছে বিপদজনক অৱস্থাতঃ তুৰস্কৰ ভূমিকম্পত ২০০ জনৰ প্ৰাণহানি
- Update Time : Monday, February 6, 2023
- 16 Time View
ডিজিটেল ডেস্কঃ যোশী মঠেই নহয়, হিমালয়ৰ পাদদেশৰ বহু এলেকা এতিয়া বিপদজনক অৱস্থাত আছে৷ ৰাজ্যসভাত এই কথা স্বীকাৰ কৰিছো কেন্দ্ৰীয় ভূ-বিজ্ঞান মন্ত্ৰী জিতেন্দ্ৰ সিংহই৷ কেন্দ্ৰীয় মন্ত্ৰীজনৰ মতে ১৯৭৬ত মহেশ চন্দ্ৰ মিশ্ৰৰ অধ্যক্ষতাত এখন সমিতি গঠন কৰি দিয়া হৈছিল আৰু সেই সমিতিৰ পৰামৰ্শ অনুযায়ী ভূমিৰ ভাৰ বহন ক্ষমতা নিৰীক্ষণ কৰিবৰ বাবে চৰকাৰে আঁচনি গ্ৰহণ কৰিব লাগে৷ পৰৱৰ্তী সময়ত বিষয়টো তেনেকৈয়ে থাকিল৷ যোশী মঠ এলেকাৰ নিৰ্মাণ কাৰ্য এতিয়াও চলি থকা বিষয়ক লৈ ৰাজ্য সভাত একাংশ সাংসদ সৰৱ হৈ পৰে৷ হিমালয়ৰ পাদদেশৰ বহু এলেকা যোশী মঠৰ দৰেই বহি যাব পাৰে বুলি এতিয়া আশংকা কৰা হৈছে৷ উত্তৰাখণ্ডৰ চামেৰী জিলাৰ অকল যোশী মঠেই নহয়, হিমালয়ৰ বহু এলেকা ইতিমধ্যে সংকটজনক অৱস্থাত আছে বুলি ৰাজ্যসভাত কেইবাজনো সাংসদে তথ্যসহকাৰে প্ৰকাশ কৰিছে৷ ইফালে কালি নিশা তুৰস্কত ভূমিকম্প হৈ ২০০ৰো অধিক লোকৰ মৃত্যু হৈছে৷ ৭.৮ ৰিখটাৰ স্কেলত হোৱা ভূমিকম্পত তুৰস্কৰ দক্ষিণ অংশ প্ৰায় বিধ্বস্ত হৈ পৰে৷
