সৰুপথাৰঃ ভাৰত-চীন সীমান্তৰ লাডাখৰ গলৱান ঘাটিত ১৫ জুনৰ পৰা আৰম্ভ হোৱা উত্তপ্ত পৰিস্থিতিৰ মাজতে ১৬ জুনৰ নিশা চীন আৰু ভাৰতৰ সেনাৰ মাজত সংঘৰ্ষ লাগে। এই সংঘৰ্ষত ভাৰতৰ ২০গৰাকী সেনা জোৱান শ্বহীদ হোৱাৰ লগতে চীনৰ কমেও ৪৩গৰাকী সেনা আহত-নিহত হৈছে। এই সংঘৰ্ষত ভাৰত মাতৃভূমিক ৰক্ষা কৰিবলৈ বৈ সৰ্বোচ্ছ বলিদান দিয়া সৈনিকসকলক সমগ্ৰ দেশে শ্ৰদ্ধাঞ্জলি জ্ঞাপন কৰি আহিছে।

অসমতো বহু অনুষ্ঠান-প্ৰতিষ্ঠানে বীৰ সেনা জোৱানসকলক শ্ৰদ্ধাঞ্জলি জ্ঞাপন কৰে। শ্বহীদ ভাৰতীয় জোৱানসকলক সৰুপথাৰতো শ্ৰদ্ধাঞ্জলি জ্ঞাপন কৰা হয়৷ সৰুপথাৰৰ মৰঙী জিলা পৰিষদৰ সদস্যা পূৰবী শৰ্মাৰ উদ্যোগতদৈগ্ৰোঙ হাইস্কুলৰ সমীপত অনুষ্ঠিত অনুষ্ঠানত শ্ৰদ্ধাঞ্জলি জ্ঞাপন কৰে ৰাইজে৷ সৰুপথাৰ সমষ্টিৰ কোৱাৰাণ্টাইন চেণ্টাৰৰ উপাধ্যক্ষ ৰাজীৱ শইকীয়া, অসম পেট্ৰলিয়াম মজদূৰ উনিয়নৰ সম্পাদক দিব্য ভূষণ শইকীয়া, সমাজকৰ্মী ইমৰান হুছেইন, ভাৰতীয় জনতা পাৰ্টীৰ মৰঙী মণ্ডলৰ সভাপতি/সম্পাদক, লেটকুজান গাওঁ পঞ্চায়তৰ সভাপতি সুজিত বৰা, দৈগ্ৰোঙ গাওঁ পঞ্চায়তৰ সভাপতি জুমণি বৰুৱা, দীপক ৰঞ্জন শইকীয়াই উপস্থিত থাকি শ্বহীদ সেনা জোৱানসকলক বন্তি প্ৰজ্বলন কৰি শ্ৰদ্ধাঞ্জলি জ্ঞাপন কৰে৷