সুৰাৰ গাড়ী মুকলি কৰাৰ বাবদ ধন দাবীৰ অভিযোগ, সাংবাদিকৰ বিৰুদ্ধে ৰুজু গোচৰ
- Update Time : Tuesday, July 7, 2020
- 152 Time View
দেৰগাঁওঃ গণতন্ত্ৰৰ চতুৰ্থ স্তম্ভৰ সৈতে জড়িত লোক বুলি জনগণে আদৰ দিয়া সাংবাদিকৰ বিৰুদ্ধ এইবাৰ ধন দাবী কৰাৰ অভিযোগ উত্থাপন হৈছে৷ ইমানে নহয় ধন দাবী সন্দৰ্ভত এখন এজাহাৰ দাখিল হৈছে উজনিৰ দেৰগাঁও আৰক্ষী থানাত৷ অভিযোগ মতে, দেৰগাঁৱৰ কেইবাগৰাকী সাংবাদিকে আৰক্ষীৰ নামত এগৰাকী লোকক ধন দাবী কৰিছিল।
অভিযোগ মতে, দেৰগাঁৱৰ জৰাগুৰীৰ লইং উপাধিৰ এগৰাকী লোকৰ সুৰাৰ গাড়ী জব্দ কৰিছিল আৰক্ষীয়ে৷ গাড়ীখন মুকলি দিয়াৰ বাবদ কেইজনমান সাংবাদিকে আৰক্ষীক দিবলৈ লইঙৰ পৰা ৫০,০০০ টকা দাবী কৰে৷ ১৫,০০০ টকা আগধন হিচাপে দিয়া বুলিও এজাহাৰত উল্লেখ কৰিছে৷ গোচৰৰ মীমাংসাৰ নামত দেৰগাঁৱৰ ভাৰপ্ৰাপ্ত বিষয়াক দিব লাগে বুলি দাবী কৰা বুলি উল্লেখ কৰে এজাহাৰত৷
কিন্তু দেৰগাঁও আৰক্ষী এনে ঘটনাৰ সৈতে জড়িত নহয় বুলি কয়৷ অৱশেষত দেৰগাঁও আৰক্ষীক এজাহাৰ দাখিল কৰে লইং নামৰ লোকজনে৷ দেৰগাঁও আৰক্ষী থানাত দাখিল কৰা এজাহাৰ ভিত্তিত ১১০/২০২০ নম্বৰত গোচৰ ৰুজু কৰে আৰক্ষীয়ে৷ দেৰগাঁও আৰক্ষীয়ে ঘটনাৰ তদন্ত আৰম্ভ কৰিছে বুলি জানিব পৰা গৈছে৷
