সুশান্ত সিং গোচৰঃ ৰিয়া চক্ৰৱৰ্তীৰ অধিবক্তাই ক’লে- তেওঁ গ্ৰেপ্তাৰৰ কাৰণে সাজু কিয়নো…
- Update Time : Sunday, September 6, 2020
- 146 Time View
ডিজিটেল ডেস্কঃ সুশান্ত সিং ৰাজপুত গোচৰত চি বি আইসহ তিনিটা এজেন্সীয়ে চলাই থকা তদন্তৰ সন্মুখীন হোৱা ৰিয়া চক্ৰৱৰ্তীৰ সমস্যা দিনে দিনে বৃদ্ধি পাই গৈ আছে। ইয়াৰ মাজতে ৰিয়া চক্ৰৱৰ্তীৰ অধিবক্তা সতীশ মানে সিন্দেয়ে দেওবাৰে কয় যে ৰিয়া চক্ৰৱৰ্তী গ্ৰেপ্তাৰ হোৱাৰ কাৰণে সাজু আছে। যদি কাৰোবাক ভালপোৱাটো অপৰাধ হয় তেন্তে তেওঁ ভালপোৱাৰ বাবে শাস্তি ভোগ কৰাৰ বাবেও প্ৰস্তুত।
উল্লেখ্য যে, ৰিয়া চক্ৰৱৰ্তীৰ ঘৰত দেওবাৰে পুৱা নাৰ্কোটিকছ কণ্ট্ৰ’ল ব্যুৰ’ৰ দল উপস্থিত হয় আৰু তেওঁক সোধা-পোছাৰ বাবে কাৰ্যালয়লৈ মাতি পঠিয়ায়।
ৰিয়াৰ অধিবক্তাই সংবাদ মাধ্যমৰ আগত কয় যে ৰিয়া চক্ৰৱৰ্তী গ্ৰেপ্তাৰ হোৱাৰ কাৰণে সাজু আছে। যদি কাৰোবাক ভালপোৱাটো অপৰাধ হয় তেন্তে তেওঁ ভালপোৱাৰ বাবে শাস্তি ভোগ কৰিবই লাগিব। নিৰ্দেশনা অহাৰ পিছতো ৰিয়া চক্ৰৱৰ্তীয়ে বিহাৰ আৰক্ষী, চি বি আই, নাৰ্কোটিকছ কণ্ট্ৰ’ল ব্যুৰ’ আদিয়ে অনুসন্ধান চলোৱা উক্ত গোচৰ সন্দৰ্ভত আগতীয়া জামিনৰ বাবে কোনো আদালতৰ দুৱাৰত টোকৰ মৰা নাই।
