সাংবাদিক ৰাজীৱ শৰ্মাৰ গ্ৰেপ্তাৰ, সাংবাদিক সুৰক্ষা মঞ্চ-মটক ছাত্ৰ সন্থাৰ গৰিহণা
- Update Time : Friday, July 17, 2020
- 222 Time View
ডিব্ৰুগড়ঃ ধুবুৰীৰ সাংবাদিক ৰাজীৱ শৰ্মাক বুধবাৰে মাজনিশা আৰক্ষীয়ে গ্ৰেপ্তাৰ কৰি কাৰাগাৰলৈ প্ৰক্ষেপ কৰা ঘটনাক তীব্ৰ ভাষাৰে গৰিহণা দিছে সাংবাদিক সুৰক্ষা মঞ্চ আৰু সদৌ অসম মটক ছাত্ৰ সন্থাই। ডিব্ৰুগড় জিলা সাংবাদিক সুৰক্ষা মঞ্চৰ সভাপতি দিবাকৰ দত্ত, কাৰ্যকৰী সভাপতি তপন কুমাৰ শইকীয়া, সাধাৰণ সম্পাদক প্ৰণৱ ডেকাবৰুৱা আৰু সদৌ অসম মটক ছাত্ৰ সন্থাৰ কেন্দ্ৰীয় সমিতিৰ মুখ্য উপদেষ্টা যুগল বৰুৱা, কাৰ্যকৰী সভাপতি ৰাতুল গগৈয়ে কয় সাংবাদিকগৰাকীয়ে বন আৰু গৰু ছিণ্ডিকেটৰ বিৰুদ্ধে ধাৰাবাহিক বাতৰি পৰিৱেশন কৰাৰ বাবেই এই আক্ৰোশৰ বলি হোৱা বুলি সন্দেহ প্ৰকাশ কৰে। আৰক্ষীৰ এনেধৰণৰ অমানৱীয় কাণ্ডক সহিব নোৱাৰি সাংবাদিক ৰাজীৱ শৰ্মাৰ পিতৃ সুনীল শৰ্মাই আকস্মিকভাৱে কৰুণ মৃত্যুক আঁকোৱালি লোৱা বুলি কয়। শৰ্মাৰ পৰিয়ালবৰ্গলৈ সমবেদনা জ্ঞাপন কৰাৰ উপৰিও সাংবাদিকগৰাকীক বিনাচৰ্তে গোচৰৰ পৰা মুক্ত কৰাৰ দাবী জনায়।
