গোৱালপাৰাঃ গোৱালপাৰা জিলা বিজেপিৰ সংখ্যালঘু মৰ্চাৰ সদ্য প্ৰাক্তন সভাপতি নূৰজামাল শিকদাৰক শনিবাৰে সন্ধিয়া প্ৰায় আঠমান বজাত এটা দুৰ্বৃত্তৰ দলে আক্ৰমণ কৰে । আক্ৰমণত গুৰুতৰ আহত শিকদাৰক ততাতৈয়াকৈ লক্ষীপুৰ মহকুমা স্বাস্থ্য কেন্দ্ৰত ভৰ্তি কৰে যদিও অৱস্থা সংকটজনক হোৱাত উন্নত চিকিৎসাৰ বাবে গোৱালপাৰা অসামৰিক চিকিৎসালয় লৈ প্ৰেৰণ কৰে ।

আনহাতে আক্ৰমণকাৰীৰ দলটোক কংগ্ৰেছী গুণ্ডা আখ্যা দি গোৱালপাৰা জিলাৰ বিজেপিৰ সভাপতি হীমাদ্ৰি দাসে কয় পূৰ্বে পৰিকল্পিত ভাবে লক্ষীপুৰ কংগ্ৰেছৰ সভাপতি আবু চাইদ জাকাৰিয়াৰ নেতৃত্বত অহা এদল দুস্কৃতিকাৰীয়ে আক্ৰমণ চলায় ।

তেওঁ লগতে কয় যে বৰ্তমানে জিলাখনত কংগ্ৰেছ এ আই ইউ ডি এফ দলৰ দখত থকা সমষ্টি সমূহ আগন্তুক বিধানসভা নিৰ্বাচনত হেৰুৱাৰ ভয়ত বিজেপি কৰ্মীক আক্ৰমণৰ লক্ষ্য কৰি লৈছে ।

এই আক্ৰমণক তীব্ৰ গৰিহণা দিয়াৰ লগতে অতি শীঘ্ৰে দোষীক কৰায়ক্ত কৰি শাস্তি বিহাৰ দাবী তোলে সভাপতি দাসৰ লগতে সংখ্যালঘু মৰ্চাৰ নৱ নিযুক্ত জিলা সভাপতি আবু বক্কৰ ছিদ্দিক আৰু যুৱ মৰ্চাৰ জিলা সভাপতি ধনজীৱ ৰাভাই ।