ডিজিটেল ডেস্কঃ দেশত পঞ্চন পৰ্যায়ৰ লক-ডাউন চলি আছে যদিও আজিৰে পৰা আনলক-১ আৰম্ভ হৈছে৷ আনলক-১ আৰম্ভ হোৱাৰ লগে লগে আজিৰে পৰা সমগ্ৰ দেশত ধৰ্মীয় স্থানসমূহ খোল খালে৷ আজি পুৱাৰে পৰা সমগ্ৰ দেশত মন্দিৰ, মছজিদ, গুৰুদ্বাৰ আদি ধৰ্মীয়স্থান সমূহত নামাজ-পূজা-পাঠ আৰম্ভ হৈছে৷ কমেও দুমাহ ধৰ্মীয়স্থান সমূহ বন্ধ হৈ থকাৰ অন্তত আজিৰে পৰা খোল খালে স্থানসমূহ৷ ধৰ্মীয় স্থানৰ লগতে হোটেল, চপিং মল, ৰেষ্টুৰেণ্ট, জিম খানা আদি খুলিব৷ কিন্তু শিক্ষানুষ্ঠানসমূহ কেতিয়া খুলিব সেই কথা এতিয়াও কেন্দ্ৰীয় চৰকাৰে স্প্ষ্ট কৰা নাই৷

আজিৰে খোল খাবলগীয়া স্থানসমূহত নতুন নীতি-নিয়ম জাৰি কৰিছে কেন্দ্ৰীয় চৰকাৰে৷ মন্দিৰ-মছজিদত প্ৰসাদ বিতৰণ কৰিব নোৱাৰিব৷ সামাজিক দূৰত্ব বজাই ৰখাৰ লগেত ভিৰ কৰিব নোৱাৰিব৷ ছেনিটাইজ কৰাৰ লগতে ধৰ্মীয় স্থলত স্ক্ৰীনিং কৰিব লাগিব৷ ধৰ্মীয়স্থান সমূহে কেন্দ্ৰীয় চৰকাৰৰৰ গৃহ বিভাগে জাৰি কৰা সকলো নিয়ম মানি চলিব লাগিব৷ জোতা, চেণ্ডেল বাহিৰতে ৰাখিব লাগিব৷ দৰ্শনাৰ্থীৰ বাবে খাদ্যৰ যোগাৰ কৰিব নোৱাৰিব৷ এবাৰত মাথো ১০গৰাকী দৰ্শনাৰ্থীয়ে মন্দিৰত প্ৰৱেশ কৰিব পাৰিব৷ সকলো সময়তে লাউডস্পীকাৰ ব্যৱহাৰ কৰিব নোৱাৰিব আৰু সমূহীয়া প্ৰাৰ্থনা কৰিব নোৱাৰিব৷