ডিজিটেল ডেস্কঃ এতিয়াৰ পৰা সমকামী প্ৰেমিক যুগলে একেলগে জীৱন কটাব পাৰিব। ওড়িশা উচ্চ ন্যায়ালয়ে এক নিৰ্দেশ যোগে এক ৰায় দি কয় যে সমকামী প্ৰেমিক যুগলে লিভ-ইন কৰিব পাৰিব৷ ওড়িশা উচ্চ ন্যায়ালয়ে একপ্ৰকাৰ লিভ-ইন কৰিবলৈ স্বীকৃতি প্ৰদান কৰিলে সমকামী প্ৰেমিক যুগলক৷

এগৰাকী সমকামীৰ আবেদনৰ ভিত্তিত অনুষ্ঠিত শুনানিত সোমবাৰে ওড়িশা উচ্চ ন্যায়ালয়ৰ ন্যায়াধীশ এছ কে মিশ্ৰ আৰু সাবিত্ৰী ৰাঠোৰৰ আদালতে গুৰুত্ব পূৰ্ণ মন্তব্য প্ৰকাশ কৰে৷ আদালতত আবেদনকাৰীয়ে কৈছিল যে বিগত এপ্ৰিল মাহত জোৰ কৰি তেওঁৰ সংগীক মাতৃয়ে আতৰ কৰে৷ এই কাণ্ড আছিল ভূৱনেশ্বৰৰ৷ আবেদনকাৰীয়ে ২০১৪ চনৰ এনএএলএছএ গোচৰ অনুযায়ী নিজ অধিকাৰৰ সপক্ষে থকা অধিকাৰকলৈ লৈ প্ৰশ্ন কৰে আদালতক৷

পুৰুষ হিচাপে বিবেচনা কৰিবলৈ এই আৰ্জি দাখিল কৰা হয়৷ আবেদনত কোৱা হৈছিল যে তেওঁ আৰু তেওঁৰ সংগী দুয়ো প্ৰাপ্তবয়স্ক৷ একেলিংগ হোৱাৰ ফলত দুয়ো বিবাহত বহিব খোজা নাই৷ কিন্তু লিভ-ইন কৰাৰ অধিকাৰ আছে৷ আনহাতে ২০০৫ চনৰ গ্ৰাৰ্হস্থ হিংসা আইনত লিভ-ইন সম্পৰ্কে স্বীকৃতি দিয়া হৈছে বুলি কয়৷ যিকোনো লিংগ নিৰ্বিশেষে মহিলা সংগীক একেই অধিকাৰ সুবিধা প্ৰদান কৰা হৈছে৷

এই গোচৰৰ ওড়িশা চৰকাৰে পক্ষ লোৱা দেখা নগ’ল৷ আদালতৰ নিৰ্দেশ চৰকাৰে পালন কৰিব বুলি জানিবলৈ দিয়ে৷ আদালতত মহিলাৰ স্বাৰ্থ সুৰক্ষা নিশ্চিত কৰাৰ আৰ্জি দিছিল আবেদনকাৰীৰ মাতৃয়ে৷ ইয়াৰ লগে লগে আদালতে ৰায় প্ৰদান কৰি কয় যে উচ্চতম ন্যায়ালয়ৰ ৰায়ক লক্ষ্য কৰি আদালতে এটা কথা মন কৰিছে যে আবেদনকাৰীৰ নিজ লিংগ নিৰ্ধাৰণ কৰাৰ অধিকাৰ আছে৷ নিজ পচন্দৰ সংগী, যদি একেই লিংগৰো হয় তেওঁলোকৰ লিভ-ইন কৰাৰ অধিকাৰ আছে৷ আমাৰ বিশ্বাস আবেদনকাৰীয়ে তেওঁৰ সংগীক লৈ সুখৰ জীৱন কটাব৷ তেওঁলোকক সমাজে আঙুলি তোৱাব নোৱাৰিব৷