শ্ৰীমন্ত শঙ্কৰদেৱ বিশ্ববিদ্যালয়ৰ নতুন উপাচাৰ্য হ’ব বিশিষ্ট শিক্ষাবিদ ড০ হিতেশ ডেকা
- Update Time : Monday, June 8, 2020
- 139 Time View
গুৱাহাটীঃ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ নতুন উপাচাৰ্য হিচাপে নিয়োগ কৰিছে সাহিত্যিক, বিশিষ্ট শিক্ষাবিদ ড০ হিতেশ ডেকাক৷ বৰ্তমানৰ উপাচাৰ্য ড০ কন্দৰ্প কুমাৰ ডেকাৰ কাৰ্যকাল অহা ৯ জুনত অন্ত পৰিব। শ্ৰীমন্ত শঙ্কৰদেৱ সংঘৰ প্ৰধান সম্পাদক বাবুল বৰাই জানিবলৈ দিয়া মতে, অহা ১০ জুনত বিশ্ববিদ্যালয়ৰ সপ্তম প্ৰতিষ্ঠা দিৱসত নৱ নিযুক্ত উপাচাৰ্যগৰাকীয়ে দায়িত্বভাৰ গ্ৰহণ কৰিব৷
কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ উপাচাৰ্যৰূপে নিয়োজিত হৈ থকা বিশিষ্ট শিক্ষাবিদগৰাকীয়ে বিশ্ববিদ্যালয়খনত সঠিক দিশত আগুৱাই নিবৰ ব্যৱস্থা গ্ৰহণ কৰিব বুলি জানিবলৈ দিয়ে।
ড০ ডেকাই কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ দায়িত্ব গ্ৰহণ কৰি অসমীয়া শিশু সাহিত্যৰ সম্ভাৰ প্ৰকাশৰ ব্যৱস্থা কৰিছিল৷ এই সম্ভাৰে জাতীয় জীৱনক টনকীয়াল কৰাৰ লগতে কেচি দাস কমাৰ্চ কলেজৰ অধ্যক্ষৰূপে কাৰ্যনিৰ্বাহ কৰিছিল৷
