জম্মু-কাশ্মীৰৰ শ্ৰীনগৰৰ সৌৰা অঞ্চলৰ আচাৰ অঞ্চলত উগ্ৰপন্থীৰ আক্ৰমণত এজন আৰক্ষী নিহত হোৱাৰ লগতে ৭ বছৰীয়া কন্যা আহত হয়। সন্ত্ৰাসবাদীৰ আক্ৰমণত আৰক্ষীগৰাকী আৰু সাত বছৰীয়া কন্যা আঘাতপ্ৰাপ্ত হয়। চিকিসালয়ত আৰক্ষী জোৱানজনক মৃত্যু হোৱা বুলি ঘোষণা কৰে৷ কন্যাৰ অৱস্থা স্থিৰ হৈ আছে। দুয়োকে এখন চিকিৎসালয়লৈ লৈ যোৱা হৈছিল য’ত আৰক্ষীজনে আঘাতপ্ৰাপ্ত হৈ মৃত্যুবৰণ কৰে। আৰক্ষীজনক চৈফুল্লা কাদৰিৰ বাসিন্দা মালিক চাহিব সৌৰা আন্ধাৰ বুলি চিনাক্ত কৰা হৈছে।

আৰক্ষীয়ে জনোৱা মতে, আৰক্ষীয়ে কন্যাৰ সৈতে মধ্য কাশ্মীৰৰ সৌৰা অঞ্চলৰ পৰা বজাৰৰ মাজেৰে গৈ আছিল৷ সেই সময়তে হঠাতে সন্ত্ৰাসবাদীয়ে আক্ৰমণ কৰে। আক্ৰমণটোত আৰক্ষী আৰু কন্যাক গুৰুতৰভাৱে আহত হয়। আক্ৰমণৰ পিছতে সন্ত্ৰাসবাদী পলাই যাবলৈ সক্ষম হয়। আৰক্ষী আৰু সুৰক্ষা বাহিনীয়ে উগ্ৰপন্থীসকলক ধৰিবলৈ অভিযান আৰম্ভ কৰিছে। সন্ত্ৰাসবাদী আক্ৰমণৰ পিছতে সমগ্ৰ অঞ্চলটো ঘেৰাও কৰিছে। চাৰিওফালৰ সকলোকে সতৰ্ক কৰি দিয়া হৈছে। অঞ্চলটোত স্থাপন কৰা চিচিটিভিৰ জৰিয়তে সন্ত্ৰাসবাদীসকলক চিনাক্ত কৰাৰ কামও চলি আছে। সোমবাৰে, জম্মু আৰু কাশ্মীৰ আৰক্ষীয়ে কয় যে লস্কৰ-ই-তৈবা সংগঠনৰ সৈতে সম্পৰ্কিত পাঁচজন উগ্ৰপন্থীক গ্ৰেপ্তাৰ কৰিছে৷ যাৰ ভিতৰত তিনিজন যোৱা মাহত বাৰামুলাত এজন চৰপঞ্চৰ হত্যাত জড়িত আছিল৷