শুৱালকুছি আৰক্ষী থানাৰ নৱনিৰ্মিত ভৱন ৰাইজক উচৰ্গা কৰিলে মুখ্যমন্ত্ৰী সোণোৱালে
- Update Time : Friday, August 28, 2020
- 110 Time View
গুৱাহাটীঃ মৈত্ৰী আঁচনিৰ অধিনত নিৰ্মিত দক্ষিণ কামৰূপৰ শুৱালকুছি আৰক্ষী থানাৰ নৱনিৰ্মিত কাৰ্যালয় ভৱন মন্ত্ৰী হিমন্ত বিশ্ব শৰ্মাৰ উপস্থিতিত শুকুৰবাৰে মুকলি কৰে মুখ্যমন্ত্ৰী সৰ্বানন্দ সোণোৱালে৷
শুকুৰবাৰে দিনৰ ভাগত অনুষ্ঠিত এক বিশেষ অনুষ্ঠানৰ জৰিয়তে ভৱনটো ৰাইজক উচৰ্গা কৰি অসম আৰক্ষীক জনগণৰ হিতৰ বাবে কাম কৰিবলৈ আহ্বান জনাই মুখ্যমন্ত্ৰী সোণোৱালে৷ বৰ্তমানৰ চৰকাৰে আৰক্ষীৰ উন্নয়নৰ কথা চিন্তা কৰি এই আঁচনি ৰূপায়ন কৰা বুলি কৈ আৰক্ষীৰ প্ৰতি জনগণৰ সদ্ভাৱ জন্মা বুলি কয় সোণোৱালে৷
স্বাস্থ্যমন্ত্ৰী ড০ হিমন্ত বিশ্ব শৰ্মাই দায়িত্বশীল ভাৱমূৰ্তিৰ বাবে থানাসমূহৰ সৰ্বাঙ্গীন উন্নয়ন অভিযান আঁচনি (MOITRI)ৰ অধীনত শুৱালকুছি আৰক্ষী থানাৰ নৱনিৰ্মিত ভৱন মুখ্যমন্ত্ৰী সৰ্বানন্দ সোণোৱালে আনুষ্ঠানিকভাবে উদ্বোধন কৰা অনুষ্ঠানত উপস্থিত থাকিবলৈ পাই আনন্দিত হৈছো বুলি কয়৷ ভৱন মুকলি অনুষ্ঠানত স্থানীয় সমাজকৰ্মী তথা অসম আৰক্ষীৰ কেইবাগৰাকী উচ্চপদস্থ বিষয়া উপস্থিত থাকে৷
