ব্ৰিটিছ প্ৰধানমন্ত্ৰী বৰিছ জনছনে এই মাহৰ শেষৰ ফালে ভাৰত ভ্ৰমণ কৰিব৷ দুয়োপক্ষৰ সম্পৰ্ক শক্তিশালী কৰাৰ উদ্দেশ্যে এই ভ্ৰমণ কৰিব জনছনে। ইতিমধ্যে লণ্ডনৰ ইণ্ডো-পেচিফিক সম্পৰ্কক শক্তিশালী কৰি দুয়োপক্ষই মুক্ত বাণিজ্য চুক্তি সন্দৰ্ভত আলোচনা কৰি আছে।

বৰিছ জনছনে এই মাহৰ ৪ৰ্থ সপ্তাহৰ ভিতৰত দিল্লীত থাকিব বুলি আশা কৰা হৈছে। ভাৰতীয় প্ৰধানমন্ত্ৰী মোদী আৰু ব্ৰিটিছ প্ৰধানমন্ত্ৰীয়ে যোৱা বছৰ নৱেম্বৰত গ্লাছগো জলবায়ু সন্মিলনৰ সময়ত সাক্ষাৎ কৰিছিল।

যোৱা বছৰ দুবাৰ ইউকে প্ৰধানমন্ত্ৰীৰ ভাৰত ভ্ৰমণ বাতিল কৰা হৈছে। প্ৰথমে জানুৱাৰীত ভাৰতৰ গণতন্ত্ৰ দিৱসত মুখ্য অতিথি হিচাপে উপস্থিত থাকিবলগীয়া আছিল৷ কিন্তু কোভিড সংকটৰ বাবে ভ্ৰমণ বাতিল কৰা হয়৷ ভাৰতত মহামাৰীৰ ঢৌৰ সৃষ্টি হৈছিল

যোৱা বছৰ জি-৭ ৰ অধ্যক্ষতা কৰা ইউকেয়ে প্ৰধানমন্ত্ৰী মোদীক অতিথি হিচাপে আমন্ত্ৰণ জনাইছিল৷ কিন্তু মহামাৰীৰ বাবে মোদীৰ সেই ভ্ৰমণ বাতিল কৰা হৈছিল।

২০২১ চনৰ মে মাহত দুয়োজন নেতাক এক ভাৰ্চুৱেল সন্মিলন দেখা গৈছিল৷ য’ত ২০৩০ চনৰ ৰোডমেপ প্ৰস্তুতৰ বাবে সন্মত হৈছিল। এই ৰোডমেপে স্বাস্থ্য, জলবায়ু, বাণিজ্য, শিক্ষা, বিজ্ঞান আৰু প্ৰযুক্তি আৰু প্ৰতিৰক্ষাৰ ক্ষেত্ৰত ইউকে-ভাৰতৰ সম্পৰ্কৰ বাবে এক পৰিকাঠামো প্ৰদান কৰা।

দুয়োখন দেশে সম্পৰ্কৰ স্থিতি ব্যাপক কৌশলগত অংশীদাৰীত্বলৈ উন্নীত কৰিবলৈও সন্মত হৈছে। বাণিজ্য চুক্তিৰ আলোচনা চলি থকাৰ সময়তে ভাৰ্চুৱেল সন্মিলনৰ এটা মুখ্য ফলাফল হৈছে ২০৩০ চনৰ ভিতৰত দুয়োদেশৰ বাণিজ্য দুগুণ কৰা। ইউকে আৰু ভাৰতৰ মাজত বাণিজ্যৰ মূল্য বছৰি প্ৰায় ২৩ বিলিয়ন।

যোৱা মাহত ইউক্ৰেইনত ৰাছিয়াৰ আক্ৰমণৰ মাজতে এক কূটনৈতিক চাপৰ অংশ হিচাপে ইউকেৰ বৈদেশিক সচিব লিজ ট্ৰাছ দিল্লীত আছিল। লিজ ট্ৰাছে অক্টোবৰত বৈদেশিক সচিব হিচাপে দ্বিতীয় দেশ ভাৰত ভ্ৰমণ কৰিছিল৷

ব্ৰেক্সিটৰ পিছত ভাৰত-প্ৰশান্ত মহাসাগৰীয় টিল্ট ৰণনীতিৰ অংশ হিচাপে যুক্তৰাজ্যই ভাৰতৰ ভাৰত-প্ৰশান্ত মহাসাগৰ উদ্যোগত যোগদান কৰিব আৰু সামুদ্ৰিক সুৰক্ষা বিষয়ত মুখ্য অংশীদাৰ হ’ব৷ দক্ষিণ-পূব এছিয়াৰ মুখ্য অংশীদাৰসকলৰ সৈতে কামৰ সমন্বয় গঢ়িব।