লিজা দাস, গোলাঘাটঃ দস্যু স্বামীৰ হাতত প্ৰাণ গ’ল পত্নীৰ। সোমবাৰে গোলাঘাটৰ ৰূপ নগৰত স্বামীয়ে প্ৰাণ ললে পত্নীৰ৷ কুলেন শইকীয়াই নামৰ লোকজনে পত্নী পত্নী পিংকী শইকীয়াক হত্যা কৰে৷ ইতিমধ্যে হত্যাকাৰী স্বামীক আৰক্ষীয়ে গ্ৰেপ্তাৰ কৰি তদন্ত আৰম্ভ কৰিছে৷

জানিব পৰা মতে, কুলেন শইকীয়াই পত্নী পিংকী শইকীয়া আৰু ৬ বছৰীয়া সন্তানসহ গোলাঘাটৰ জ্যোতিনগৰ ভাড়াতীয়া হিচাপে বসবাস কৰি আছিল৷ গোলাঘাট জিলাৰ বেতিয়নীৰ কুলেন শইকীয়া পেচাত এজন গাড়ীচালক৷ গাড়ী চলাই পৰিয়াল পোহপাল দিয়া কুলেশ শইকীয়াই পত্নীয়ে আনৰ সৈতে প্ৰেমৰ সম্পৰ্ক ৰক্ষা কৰাৰ অভিযোগ উত্থাপন কৰি পত্নীৰ সৈতে কাজিয়াত লিপ্ত হৈছিল৷

পত্নী পিংকী শইকীয়াই জনৈক গোহাঁই নামৰ এজন লোকৰ সৈতে ফোন যোগে গোপন সম্পৰ্ক ৰক্ষা কৰাৰ অভিযোগ উত্থাপন কৰি অহাৰ সময়তে দেওবাৰে নিশা স্বামীয়ে ৰুদ্ৰ ৰূপ ধাৰণ কৰে৷ দেওবাৰে নিশা স্বামীয়ে জনাক গোহাঁইৰ সৈতে কথা পাতি থকাৰ অভিযোগ উত্থাপন কৰি চোকা অস্ত্ৰৰে পত্নীক আক্ৰমণ কৰে৷ স্বামীৰ আক্ৰমণত দেহৰ কেইবাঠাইত গুৰুতৰ ভাৱে আঘাতপ্ৰাপ্ত হোৱাৰ সমানে ৰক্তক্ষৰণ হৈ ভাড়াঘৰতে মৃত্যুক আকোৱালি লয় পিংকী শইকীয়া৷

হত্যাকাৰী স্বামীয়ে গোলাঘাট থানাত আত্মসমৰ্পণ কৰে। পিংকী শইকীয়াৰ ঘৰ একেখন জিলাত বৰপথাৰৰ চাংপুলত। আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে৷