ইছলামাবাদঃ পাকিস্তান প্ৰধানমন্ত্ৰী ইমৰান খানে পাক উচ্চতম ন্যায়ালয়ত মুখথেকেচা খালে। অনাস্থা প্ৰস্তাৱক অসাংবিধানিক’ আখ্যা দি প্ৰত্যাখ্যান কৰে উচ্চতম ন্যায়ালয়ে৷ লগে লগে শনিবাৰে অস্থা ভোট অনুষ্ঠিত কৰাৰ নিৰ্দেশ৷ উচ্চতম ন্যায়ালয়ে কয় যে ইমৰানৰ বিৰুদ্ধে অনাস্থা প্ৰস্তাৱ নাকচ কৰাটো অসাংবিধানিক। উচ্চতম ন্যায়ালয়ে শনিবাৰে নেচনেল এচেম্বলীত অনাস্থা প্ৰস্তাৱৰ ওপৰত ভোটদানৰ নিৰ্দেশ দিছে। উচ্চতম ন্যায়ালয়ে প্ৰধানমন্ত্ৰী ইমৰান খানৰ বিৰুদ্ধে অনাস্থা প্ৰস্তাৱ খাৰিজ কৰাৰ ৰাষ্ট্ৰীয় সভাৰ উপাধ্যক্ষৰ সিদ্ধান্ত বাতিল কৰিছে৷ পাকিস্তানৰ উচ্চতম ন্যায়ালয়ে বৃহস্পতিবাৰে প্ৰধানমন্ত্ৰী ইমৰান খানৰ বিৰুদ্ধে উত্থাপন কৰা অনাস্থা প্ৰস্তাৱক ৰাষ্ট্ৰপতিৰ দ্বাৰা বিতৰ্কিত ব্যৱস্থা আৰু সংসদ ভংগৰ গুৰুত্বপূৰ্ণ শুনানি কৰা হৈছিল৷ মুখ্য ন্যায়াধীশ উমাৰ আটা বান্দিয়ালৰ নেতৃত্বত এখন বিচাৰপীঠে শুনানি অনুষ্ঠিত কৰিছিল৷ মুখ্য ন্যায়াধীশ উমাৰ আটা বান্দিয়ালৰ নেতৃত্বৰ বিচাৰপীঠে প্ৰধানমন্ত্ৰী ইমৰান খানৰ বিৰুদ্ধে উত্থাপন কৰা অনাস্থা প্ৰস্তাৱ বৃহস্পতিবাৰে পাকিস্তানৰ উচ্চতম ন্যায়ালয়ে প্ৰত্যাখ্যান কৰে৷ ন্যায়াধীশ এজাজ-উল-আহচান, ন্যায়াধীশ মাজহাৰ আলম খান মিয়াংখাইল, ন্যায়াধীশ মুনিব আখটাৰ আৰু ন্যায়াধীশ জামাল খান মাণ্ডোখিল আছিল বিচাৰপীঠত।

মুখ্য ন্যায়াধীশ বান্দিয়ালে ৰাষ্ট্ৰপতি আৰিফ আলভিৰ পৰামৰ্শদাতা চিনেটৰ আলী জাফৰক সুধিছিল যে যদি সকলোবোৰ সংবিধান অনুসৰি চলি আছে তেন্তে দেশৰ সাংবিধানিক সংকট ক’ত আছে? যদি সকলোবোৰ সংবিধান অনুসৰি চলি আছে, সংকটটো ক’ত? শুনানিৰ সময়ত ন্যায়াধীশ মিয়াংখাইলে জাফৰক সুধিছিল যে প্ৰধানমন্ত্ৰী জনপ্ৰতিনিধি নেকি। ইয়াৰ উত্তৰত অধিবক্তাজনে ইতিবাচক উত্তৰ দিছিল৷ মিয়াংখাইলে তেতিয়া সুধিছিল যে সংসদত সংবিধান উলংঘা হ’লে প্ৰধানমন্ত্ৰীক ৰক্ষা কৰা হ’ব নেকি? ইয়াৰ উত্তৰত জাফৰে উত্তৰ দিছিল যে সংবিধানখন ইয়াত নিৰ্ধাৰিত নিয়ম অনুসৰি সুৰক্ষিত কৰা উচিত। সংবিধানৰ সুৰক্ষাৰ বাবে প্ৰতিটো অনুচ্ছেদৰ কথা মনত ৰাখিব লাগিব৷ বান্দিয়ালে তেতিয়া সুধিছিল যে কেৱল এজন সদস্যৰ বাবে নহয়, সমগ্ৰ সংসদৰ প্ৰতি অন্যায় কৰিলে কি হ’ব৷

আদালতে বুধবাৰে চৰকাৰৰ কথিত ‘বিদেশী ষড়যন্ত্ৰ’ সম্পৰ্কে অধিক বিৱৰণৰ বাবে ৰাষ্ট্ৰীয় সুৰক্ষা পৰিষদৰ (এনএছচি) বৈঠকৰ বিৱৰণ বিচাৰিছিল আৰু ইমৰান খানে অনাস্থা প্ৰস্তাৱৰ সন্মুখীন হোৱাৰ পৰিৱৰ্তে সংসদ ভংগ কৰি সংবিধান উলংঘা কৰিছে নে নাই সেই সন্দৰ্ভত সিদ্ধান্ত স্থগিত ৰাখিছিল। বিদেশী ষড়যন্ত্ৰত জড়িত থকাৰ কথা উল্লেখ কৰি দেওবাৰে তেওঁক বৰ্খাস্ত কৰা হৈছিল। কেইমিনিটমান পিছত, ৰাষ্ট্ৰপতি আৰিফ আলভিয়ে প্ৰধানমন্ত্ৰী খানৰ পৰামৰ্শ অনুসৰি নেচনেল এচেম্বলী ভংগ কৰে।