মাকুমৰ বেতজান চাহ বাগিচাৰ নৈশ চকীদাৰক হত্যা, চাহ জনজাতি ছাত্ৰ সন্থাৰ প্ৰতিবাদ
- Update Time : Tuesday, June 23, 2020
- 104 Time View
তিনিচুকীয়াঃ পুনৰ আন এটা জঘণ্য হত্যাকাণ্ড সংঘটিত হৈছে ৰাজ্যত৷ এইবাৰ তিনিচুকীয়া জিলাৰ মাকুম বেতজান চাহ বাগিচাৰ নৈশ চকীদাৰক চোকা অস্ত্ৰৰে হত্যা কৰে অচিনাক্ত দুৰ্বত্তই৷ লোমহৰ্ষক হত্যাকাণ্ডই চাঞ্চল্যৰ সৃষ্টি কৰিছে। সোমবাৰে নিশা বেতজান চাহ বাগিচাৰ নৈশ চকীদাৰ জেকি বাইগাৰক (ৰাজু) দাৰে ঘপিয়াই হত্যা কৰি বাগিচাতে পেলাই থৈ যায় দুৰ্বৃত্তই। পুৱাহে একাংশ লোকে চকীদাৰগৰাকীৰ মৃতদেহ প্ৰত্যক্ষ কৰে৷
মৃতদেহ প্ৰত্যক্ষ কৰি আৰক্ষীক খবৰ দিয়াত ঘটনাৰ তদন্ত আৰম্ভ কৰিছে যদিও কোনো লোকক আটক কৰিব পাৰ নাই৷ নিহত যুৱকজনৰ ঘৰ মাকুম বেতজান ৬নং লাইনত। ইফালে হত্যাকাৰীক গ্ৰেপ্তাৰ কৰাৰ দাবীত মাকুমত পথ অৱৰোধ কৰি প্ৰতিবাদ সাব্যস্ত কৰে চাহ জনজাতি ছাত্ৰ সন্থা আৰু আদিবাসী ছাত্ৰ সন্থাই৷ ৰাষ্ট্ৰীয় ঘাইপথত মৃতদেহ থৈ প্ৰতিবাদ সাব্যস্ত কৰে। ঘটনাক কন্দ্ৰ কৰি তীব্ৰ চাঞ্চল্যৰ সৃষ্টি কৰিছে অঞ্চলটোত৷
