ডিজিটেল ডেস্কঃ শীৰ্ষ আদালত উচ্চতম ন্যায়ালয়ে অনুমতি প্ৰদান নকৰাৰ ফলত এইবেলি ৰাজহুৱাকৈ অনুষ্ঠিত কৰিব নোৱাৰিব মৰহম৷ বৃহস্পতিবাৰে এই সন্দৰ্ভৰ এক আবেদনৰ শুনানি গ্ৰহণৰ সময়ত আদালতে কয় যে মহৰম উপলক্ষে ‘তাজিয়া’ সমদল উলিয়াবলৈ অনুমতি প্ৰদান কৰিলে ইয়াৰ পিছতে ক’ৰোনা সংক্ৰমণ কৰা বুলি এটা বিশেষ সম্প্ৰদায়ক টাৰ্গেট কৰিব৷ আদালতে কয় যে সমদল কৰিবলৈ অনুমতি প্ৰদান কৰিলে অৰাজকতাই বিৰাজ কৰিব৷

বিশেষ সম্প্ৰদায়ক টাৰ্গেট কৰি ল’ব৷ এই গোচৰৰ শুনানি গ্ৰহণ কৰি উচ্চতম ন্যায়ালয়ৰ মুখ্য নায়াধীশ এছ এ ববদেই কয় যে ‘যদি দেশত সমদল উলিয়াবলৈ অনুমতি প্ৰদান কৰো তেন্তে দেশত অৰাজকতাই বিৰাজ কৰিব আৰু বিশেষ সম্প্ৰদায়ক কোভিড সংক্ৰমণ কৰাৰ অভিযোগ উঠিব৷ উল্লেখ্য যে, উত্তৰ প্ৰদেশ ছৈয়দ কল্বে জবাদ নাম লোকজনে দেশত মহৰমৰ সমদল উলিয়াবলৈ অনুমতি বিচাৰি আদালতত আবেদন দাখিল কৰিছিল৷ কিন্তু আদালতে এই আবেদন খাৰিজ কৰি দেশত অৰাজকতাই বিৰাজ কৰিব আৰু বিশেষ সম্প্ৰদায়ক কোভিড সংক্ৰমণ কৰাৰ অভিযোগ উঠিব বুলি কয়৷ আবেদনকাৰীয়ে জগন্নাথ মন্দিৰৰ ৰথযাত্ৰাৰ উদাহৰণ দি মহৰম পালনৰ অনুমতি বিচাৰি আবেদন কৰিছিল৷ উল্লেখ্য যে, উচ্চতম ন্যায়ালয়ে ৰথাযাত্ৰা উলিয়াবলৈ অনুমতি দিছিল৷