মন্ত্ৰী ৰঞ্জিত দত্তৰ সমষ্টিত পথ নিৰ্মাণত ব্যাপক অনিয়ম
- Update Time : Friday, June 26, 2020
- 112 Time View
বিহালীঃ ৰাজ্যৰ কেবিনেট মন্ত্ৰী ৰঞ্জিত দত্তৰ গৃহ সমষ্টি বিহালীৰ বৰগাং চেন্টাৰৰ কলেজ ৰ’দৰ ব্যৱসায় প্ৰতিষ্ঠানৰ সন্মূখত গড়কাপ্তানী বিভাগে নিৰ্মান কৰা এটা নলাক লৈ ব্যৱসায়ী সকলৰ মাজত হাৰাকাৰ পৰিস্থিতি সৃষ্টি হৈছে। জানিব পৰা মতে কেবিনেট মন্ত্ৰী ৰঞ্জিত দত্তৰ বাসগৃহলৈ যোৱা পথটিৰ কাষত প্ৰায় এমাহৰ আগৰে পৰা ৫ ফুটৰ পৰা ৩ ফুট ওখকৈ নলা নিৰ্মানৰ কাম চলি আছে। ইয়াৰ ফলত পথটিৰ কাষতে থকা ব্যৱসায় প্ৰতিষ্ঠান সমূহলৈ গ্ৰাহক অহা যোৱা কৰাত অসুবিধা হোৱাত লোকচানৰ সন্মুখীন হোৱাৰ বুলি ব্যৱসায়ী সকলে জানিবলৈ দিয়ে ৷
আনহাতে কোনো আঁচনি আৰু ঠিকাদাৰ সংস্থাৰ নাম উল্লেখ নকৰাকৈ নামফলক বিহীন ভাৱে অজ্ঞাত ঠিকাদাৰে নলা নিৰ্মাণৰ কাম কৰি ৰাইজৰ ধন শৰাধ কৰাও অভিযোগ তুলিছে স্থানীয় লোকে। ইয়াৰ লগতে আঁচনি কাম আৰম্ভ কৰোঁতে বিভাগীয় কৰ্তৃপক্ষই পৰিদৰ্শন কৰি থকা দেখি ব্যৱসায়ী সকলে মৌখিক অভিযোগ কৰাত বিষয়া লোকে আঁচনি মতে কাম হব’ই কোনো অভিযোগ গ্ৰহণ কৰা নহ’ব বুলি ওফাইদাং মাৰি কোৱাৰ অভিযোগ তুলিছে ব্যৱসায়ী সকলে।
