মন্ত্ৰী পদৰ পৰা অপসাৰণ পাৰ্থ চেটাৰ্জীক
- Update Time : Thursday, July 28, 2022
- 42 Time View
ডিজিটেল ডেস্কঃ মুখ্যমন্ত্ৰী মমতা বেনাৰ্জীয়ে শেহতীয়াকৈ পাৰ্থ চেটাৰ্জীক মন্ত্ৰীপদৰ পৰা অপসাৰণ কৰিছে৷ পশ্চিম বংগৰ চৰকাৰৰ এক প্ৰেছ বিজ্ঞপ্তিত জনোৱা হৈছে যে, পাৰ্থ চেটাৰ্জীক তাৎক্ষণিক ভাৱে সকলো দায়িত্বৰ পৰা অব্যাহতি দিয়া হৈছে।
দুদিন পূৰ্বে শিক্ষক নিযুক্তি কেলেংকাৰীত মন্ত্ৰী পাৰ্থ চেটাৰ্জীক গ্ৰেপ্তাৰ কৰাৰ সন্দৰ্ভত মুখ্যমন্ত্ৰী মমতা বেনাৰ্জীয়ে কৈছিল যে, “মই দুৰ্নীতি বা কোনো ধৰণৰ অন্যায় সমৰ্থন নকৰো। যদি কাৰোবাক দোষী সাব্যস্ত কৰা হয়, তেন্তে তেওঁক শাস্তি দিয়া উচিত, কিন্তু মই মোৰ বিৰুদ্ধে চলোৱা বিদ্বেষপূৰ্ণ প্ৰচাৰক গৰিহণা দিওঁ।
শিক্ষক নিযুক্তি কেলেংকাৰী সম্পৰ্কীয় গোচৰৰ ভিত্তিত শনিবাৰে প্ৰৱৰ্তন সঞ্চালকালয়ে পাৰ্থ চেটাৰ্জীক গ্ৰেপ্তাৰ কৰিছিল। পাৰ্থৰ ঘনিষ্ঠ সহযোগী অৰ্পিতাৰ ফ্লেটৰ পৰা পৰা ২০ কোটিতকৈ অধিক ধন উদ্ধাৰ হোৱাৰ পিছত তেওঁকো গ্ৰেপ্তাৰ কৰা হৈছিল।
