মঙলদৈঃ মাতৃ আৰু পুত্ৰৰ সম্পৰ্কক নিৰ্ভেজাল বুলি কোৱা হয়৷ মাতৃ আৰু পুত্ৰৰ সম্পৰ্ক মৰম, চেনেহ আদৰৰ মাজেৰে অটুত থাকে৷ যুগে যুগে নিজৰ মাতৃৰ প্ৰতি থকা কৰ্তব্য পালন কৰাটো অসমৰ সংস্কৃতিত প্ৰতিজন পুত্ৰৰ ধৰ্ম আৰু দায়িত্ব বুলি অনুভৱ কৰি আহিছে৷ পুত্ৰৰ পৰা পোৱা অনাদৰ, অৱহেলা, বিৰক্তি ভাব সমাজৰ বাবে এক অভিশাপ স্বৰূপ৷ তথাপিও মাতৃয়ে ঈশ্বৰৰ ওচৰত নিজৰ মৃত্যু কামনা কৰিলেও কোনো কাৰণতে পুত্ৰৰ মৃত্যু কামনা নকৰে৷

পুত্ৰই অনাদৰ, অৱহেলা কৰাত বিৰক্তিৰ ভাৱ জাগিলেও পুত্ৰৰ মৃত্যু কামনা নকৰি নিজৰ মৃত্যু কামনা নকৰে যদিও এইখন অসমত মাতৃয়ে হত্যা কৰিলে পুত্ৰক৷ দৰং জিলাৰ মঙলদৈত মাতৃৰ হাতত পুত্ৰৰ প্ৰাণ গৈছে৷ এই ঘটনাই তীব্ৰ চাঞ্চল্যৰ সৃষ্টি কৰিছে৷ পুত্ৰক হত্যা কৰি মাতৃয়ে বীৰদৰ্পে ঘোষণা কৰি কলে মই পুত্ৰক হত্যা কৰিছে৷

জানিব পৰা মতে, মঙলদৈ নিবাসী সমৰেন্দ্ৰ ডেকাই প্ৰায়ে ড্ৰাগছ সেৱন কৰি ঘৰলৈ আহে৷ ড্ৰাগছ সেৱন কৰি ঘৰলৈ আহি মাতৃক অত্যাচাৰ কৰে সমৰেন্দ্ৰই৷ মাতৃয়ে পুত্ৰৰ এই অতপালি সহ্য কৰি গৈছিল৷ কিন্তু শনিবাৰে পুনৰ ড্ৰাগছ আসক্ত সমৰেন্দ্ৰই ঘৰত অতপালি আৰম্ভ কৰে৷ তেনেতে মাতৃ বাসন্তী ডেকা খঙত অগ্নিশৰ্মা হৈ পুত্ৰক আক্ৰমণ কৰে৷ মাতৃৰ আক্ৰমণত পুত্ৰৰ মৃত্যু হয়৷ তাৰ পিছতে পুত্ৰক হত্যা কৰা বুলি নিজ মুখে স্বীকাৰ মাতৃ বাসন্তী ডেকাই। ইমানে নহয় পুত্ৰই ড্ৰাগছ সেৱন কৰি ঘৰত অত্যাচাৰ চলাই আহিছিল বুলি আৰক্ষীক অৱগত কৰে বাসন্তী ডেকাই।

বাসন্তী ডেকাই উল্লেখ কৰা মতে, অইন দিনাৰ দৰে আজিও ড্ৰাগছ কিনিবৰ বাবে টকা বিচাৰে পুত্ৰ সমৰেন্দ্ৰই। কিন্তু মাতৃয়ে টকা দিবলৈ মান্তি নহয়৷ মাতৃয়ে টকা নিদিয়াত ঘৰত অত্যাচাৰ চলাবলৈ আৰম্ভ কৰে। অত্যাচাৰ সহিব নোৱাৰি মাতৃয়ে পুত্ৰক ৰডৰে কঁকালত আক্ৰমণ কৰাই নহয় খঙত অগ্নিশৰ্মা হৈ দাৰে ঘপিয়াই। আৰক্ষীয়ে পুত্ৰ সমৰেন্দ্ৰ ডেকাক মঙলদৈ অসামৰিক চিকিৎসালয়ত ভৰ্তি কৰাই যদিও চিকিৎসালয়ত মৃত্য হয়৷ ইফালে মাতৃয়ে মঙলদৈ আৰক্ষী থানা আত্মসমৰ্পন কৰিছে। উল্লেখ্য যে, সমৰেন্দ্ৰ ডেকাই পূৰ্বে তিনিবাৰ জেল-হাজোতলৈ গৈছে।