সংযুক্ত আৰৱ আমিৰাত চমুকৈ ইউএইৰ ৰাষ্ট্ৰপতি শ্বেখ খলিফা বিন জায়েদ আল-নাহিয়ানৰ শুকুৰবাৰে ৭৩ বছৰ বয়সত মৃত্যুবৰণ কৰে। শ্বেখ খলিফা বিন জায়েদ আল নাহিয়ানৰ মৃত্যুৰ এই দুখৰ সময়ত ৰাষ্ট্ৰপতি পৰিক্ৰমা মন্ত্ৰালয়ে ইউএই আৰু ইছলামিক বিশ্বৰ জনসাধাৰণৰ সৈতে থিয় দিছে বুলি কয়৷ মন্ত্ৰালয়ে ৪০ দিনৰ শোক ঘোষণা কৰিছে৷ শুকুৰবাৰৰ পৰা ইউএইৰ পতাকা ৪০ দিনৰ বাবে অৰ্ধনমিত কৰা হ’ব। ৰাজহুৱা আৰু ব্যক্তিগত খণ্ডৰ কাৰ্যালয়সমূহতো প্ৰথম তিনিদিনৰ বাবে কাম স্থগিত কৰাৰ ঘোষণা কৰা হৈছে৷

শ্বেখ খলিফাই ২০০৪ চনত ইউএইৰ দ্বিতীয় ৰাষ্ট্ৰপতি হিচাপে শপত গ্ৰহণ কৰিছিল৷ পিতৃৰ মৃত্যুৰ পিছতে শ্বেখ খলিফাই আবু ধাবিৰ ৰজাৰ দায়িত্ব লৈছিল। আবু-ধাবি হৈছে ইউএইৰ আটাইতকৈ ধনী আমিৰাত।

২০১৪ চনৰ পৰা মাজে মাজে ৰাজহুৱা স্থানত দেখা গৈছিল। হৃদৰোগত আক্ৰান্ত হোৱাৰ পিছত অস্ত্ৰোপচাৰ কৰা হৈছিল যদিও আদেশ জাৰী অব্যাহত ৰাখিছিল।

ভাতৃ আৰু আবু ধাবিৰ ক্ৰাউন প্ৰিন্স মহম্মদ বিন জায়েদক কেইবছৰমানৰ ভিতৰত ইউএইৰ প্ৰাকৃতিক শাসক বুলি গণ্য কৰা হ’ব।

ভাৰতীয় নেতাসকলে ডুবাইৰ ৰাষ্ট্ৰপতিৰ মৃত্যুত শোক প্ৰকাশ কৰি টুইট কৰিছে। কেৰালাৰ মুখ্যমন্ত্ৰী পিনাৰাই বিজয়নে লিখিছে যে কেৰালাৰ সৈতে সদায় ভাল সম্পৰ্ক থকা শ্বেখ খলিফাৰ মৃত্যুত গভীৰভাৱে দুখিত।

কংগ্ৰেছ নেতা শশী থাৰুৰে টুইট কৰি কয় যে শ্বেখ খলিফাৰ মৃত্যুত ইউএইৰ জনসাধাৰণৰ প্ৰতি আমাৰ সমবেদনা৷ দেশৰ এজন চিন্তাশীল নেতা আৰু ভাৰতৰ এজন ভাল বন্ধু আছিল।

একে সময়তে ভাৰতৰ বাণিজ্য আৰু উদ্যোগ মন্ত্ৰী পীয়ুষ গোৱেলে টুইট যোগে শোক প্ৰকাশ কৰি কয় যে শ্বেখ খলিফাই ইউএইত বহু সংস্কাৰ কৰিছিল যিয়ে এই দেশখনক সমৃদ্ধিৰ পথত লৈ গৈছিল।