March 28, 2023, 2:11 pm
শেহতীয়া খবৰ ▪️
ভগা পজাৰ পৰাই পৰীক্ষাত বহি চতুৰ্থ স্থান দখল কৰিলে নুমলীগড়ৰ জুলী বৈশ্যই
Reporter Name
- Update Time : Thursday, June 25, 2020
- 161 Time View
নুমলীগড়ঃ বৃহস্পতিবাৰে ঘোষণা কৰা উচ্চতৰ মাধ্যমিকৰ ফলাফলত কলা শাখাত ৰাজ্যৰ ভিতৰত চতুৰ্থ স্থান দখল কৰি নুমলীগড়লৈ গৌৰৱ কঢ়িয়াই আনিবলৈ সক্ষম হৈছে জুলী বৈশ্যই৷ নুমলীগড়ৰ তেলগৰমৰ সু-সন্তান জুলী বৈশ্যই ভগা পজাৰ পৰাই পৰীক্ষাত বহি এই সফলতা লাভ কৰিছে৷ অতি দৰিদ্ৰ ঘৰৰ মেধা জুলীয়ে নগাঁও ৰামানুজন কলেজৰ পৰা পৰীক্ষাত বহিছিল৷
জুলীৰ এই সফলতাত অঞ্চলটোৰ প্ৰতিগৰাকী লোকক আনন্দিত কৰিছে৷ জিলীক লৈ গৌৰবান্বিত হৈ পৰিছে প্ৰতিগৰাকী লোক৷ মুঠ ৪৭২ নম্বৰ লাভ কৰি কলা শাখাত চতুৰ্থ স্থান লাভ কৰিবলৈ সক্ষম হয় জুলী বৈশ্যই। পৰীক্ষাৰ ফলাফল ঘোষণাৰ পিছতে ৰামানুজন কলেজৰ পৰা তেলগৰমত উপস্থিত হোৱাৰ পিছতে তেলগৰম ব্যৱসায়ী সন্থা, মৰঙি আঞ্চলিক ছাত্ৰ সন্থাকে ধৰি বহু দল-সংগঠনে ফুলাম গামোচা আৰু শৰাইৰে অভিনন্দন জ্ঞাপন কৰে৷
◼️ তলৰ বাতৰিসমূহো পঢ়িব পাৰে
