January 30, 2023, 8:00 pm
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি বেবেজীয়াত প্ৰাকৃতিক পৰিবেশত ‘ৰ’দঘাই বেবেজীয়া’ৰ নাট মহোৎসৱৰ সফল সামৰণি আদানি-কাণ্ডৰ ফলত ক্ষতিগ্ৰস্ত ৰাজহুৱা খণ্ডৰ বেংক-বিত্তীয় প্ৰতিষ্ঠানত বিনিয়োগ কৰা অসমৰ লোকৰ ধন কিমান নিৰাপদ? বিবিচিৰ ডকুমেণ্টৰী নিষিদ্ধ সন্দৰ্ভত ৬ ফেব্ৰুৱাৰীত শুনানি গ্ৰহণ কৰিব উচ্চতম ন্যায়ালয়ে জনসংখ্যা নিয়ন্ত্ৰণ আইন প্ৰৱৰ্তন নকৰিলে ৫০ বছৰৰ পিছত সুৰক্ষিত নাথাকিব ৰাম মন্দিৰ আদানিক চেলেঞ্জঃ তথ্যসহকাৰে নাকচ কৰক হিণ্ডেনবাৰ্গৰ অভিযোগ ‘পাঠান’ অপসংস্কৃতি, অপসংস্কৃতিক প্ৰাধান্য দিয়া সকলে ‘পাঠান’ চাইছেঃ ভৱেশ কলিতা ওড়িশাৰ স্বাস্থ্যমন্ত্ৰীলৈ আৰক্ষীৰ গুলী বাঢ়িয়েই আছেঃ ফেব্ৰুৱাৰীৰ পৰা আকৌ বাঢ়িব বিদ্যুৎ মাচুল ৩৭ খন পতাকা উত্তোলনেৰে আৰম্ভ হ’ল সদৌ অসম গ্ৰাম্য পুথিভঁৰাল সন্থাৰ ৰাজ্যিক অধিবেশন কটন বিশ্ববিদ্যালয়ত ড০ সূৰ্য কুমাৰ ভূঞাৰ জন্মদিৱস উদযাপন

বিশিষ্ট সমাজ সংগঠক-কবি নন্দেশ্বৰ নাথৰ জীৱনাৱসান

Reporter Name
  • Update Time : Monday, June 6, 2022
  • 118 Time View

জয়ন্ত মুদৈ, বেবেজীয়াঃ নগাঁও জিলাৰ বেবেজীয়াৰ দাঁতি কাষৰীয়া জামুগুৰি নিবাসী বিশিষ্ট সমাজকৰ্মী, কবি, সমাজ সংগঠক, ধৰ্মপৰায়ণ ব্যক্তি তথা বিদ্যুৎ বিভাগৰ অৱসৰপ্ৰাপ্ত গাণনিক বিষয়া নন্দেশ্বৰ নাথৰ (নন্দী) আজি পুৱা প্ৰায় চাৰে পাঁচ বজাত দেহাৱসান ঘটে৷ জানিব পৰা মতে, কাহিলী পুৱাতে শ্বাস-প্ৰস্বাসজনিত কাৰণত হঠাতে অসুস্থ হৈ পৰা নাথক পৰিয়ালৰ লোকে ততাতৈয়াকৈ নগাঁৱৰ চিকিৎসালয়লৈ নিছিল যদিও আদবাটতে তেওঁ শেষ নিশ্বাস ত্যাগ কৰে৷ মৃত্যুৰ সময়ত তেওঁৰ বয়স হৈছিল ৬৭ বছৰ৷ অসম ৰাজ্যিক বিদ্যুৎ পৰিষদৰ নগাঁও সংমণ্ডলৰ গাণনিক বিষয়া হিচাপে অৱসৰ গ্ৰহন কৰা নাথে নিজৰ দায়িত্ব আৰু কৰ্তব্য নিষ্ঠাসহকাৰে পালন কৰি সহকৰ্মীৰ মাজত এক সুকীয়া ইমেজ গঢ়ি তুলিবলৈ সক্ষম হৈছিল৷ এগৰাকী কবি হিচাপেও পৰিচয় থকা নাথ অসম সাহিত্য সভাৰ আজীৱন সদস্য আছিল৷ অৱসৰ গ্ৰহণৰ পিছৰে পৰা একাত্মভাবে সমাজসেৱাত নিজকে নিয়োজিত কৰা নাথে নগাঁও জিলা যোগী সন্মিলনীৰ উপ সভাপতি, শ্বহীদ মনবৰ নাথ পুথিভড়ালৰ সভাপতি, মধ্য জামুগুৰি বিহু উৎসৱ উদযাপন সমিতিৰ সভাপতি, জামুগুৰিৰ সাৰ্বজনীন গৰখীয়া থানৰ সহকাৰী সম্পাদক, সদৌ অসম কবি সন্মিলনৰ জামুগুৰি শাখা সমিতিৰ সম্পাদক, জামুগুৰি শাখা সাহিত্য সভাৰ প্ৰাক্তন সভাপতি, জামুগুৰি বুঢ়া নামঘৰৰ সম্পাদকৰ দৰে গুৰুত্বপূৰ্ণ বিষয়-বাব দায়িত্বসহকাৰে পালন কৰাৰ উপৰিও বৃহত্তৰ জামুগুৰি অঞ্চলৰ সকলো সামাজিক, সাংস্কৃতিক আৰু ধৰ্মীয় অনুষ্ঠানৰ লগত ওতঃপোতভাবে জড়িত আছিল৷ তেওঁৰ আকস্মিক বিয়োগৰ বতৰা পাই তেওঁৰ বাসগৃহত বহু গুনমুগ্ধ সমবেত হৈ নশ্বৰদেহত অন্তিম শ্ৰদ্ধা জনোৱাৰ লগতে নশ্বৰদেহ শোভাযাত্ৰা কৰি বৃহত্তৰ জামুগুৰি অঞ্চলৰ মাজেৰে পৰিভ্ৰমন কৰাই৷ সৎ, অমায়িক আৰু সৰু-ডাঙৰ সকলোৰে লগত সদ্ভাৱ বৰ্তাই ৰখা সৰবৰহী ব্যক্তি নাথৰ বিয়োগত অঞ্চলজুৰি গভীৰ শোকৰ ছাঁ পৰাৰ বিপৰীতে নগাঁও জিলা কবি সন্মিলন, জামুগুৰি সাৰ্বজনীন গৰখীয়া থান, জামুগুৰি বিহু উদযাপন সমিতি, শ্বহীদ মনবৰ নাথ পুথিভড়াল, সাংবাদিক সুৰক্ষা মঞ্চ, জংগম সাংস্কৃতিক গোষ্ঠী, জাজৰি প্ৰেছ ক্লাব, আঞ্চলিক লুইত গোষ্ঠী, বেবেজীয়া প্ৰেছ ক্লাৱ, জামুগুৰি শাখা সাহিত্য সভা, ক্ৰিয়েছন ক্লাৱ, জামুগুৰি চাৰিআলি ব্যৱসায়ী সন্থা, সোনাইপৰীয়া শাখা কবি সন্মিলন, জামুগুৰি শাখা কবি সন্মিলনকে ধৰি বিভিন্ন অনুষ্ঠান-প্ৰতিষ্ঠান আৰু ব্যক্তি বিশেষে শোক প্ৰকাশ কৰি শোকসন্তপ্ত পৰিয়ালবৰ্গলৈ সমবেদনা জনাইছে৷ তেওঁ মৃত্যুৰ সময়ত পত্নী, এজন পুত্ৰ, এগৰাকী কন্যা, জোৱাই, বোৱাৰী, তিনি ভাতৃ, নাতি-নাতিনীসহ বহু আত্মীয়-স্বজনক ইহসংসাৰত এৰি থৈ যায়৷

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে