বিশিষ্ট চিকিৎসক ডা০ অতীন্দ্ৰ অধিকাৰী আৰু নাই
- Update Time : Monday, August 31, 2020
- 113 Time View
গুৱাহাটীঃ বিশিষ্ট চিকিৎসক ডা০ অতীন্দ্ৰ অধিকাৰী আৰু নাই৷ গুৱাহাটী চিকিৎসা মহাবিদ্যালয়ৰ লগতে ডিব্ৰুগড়ৰ অসম চিকিৎসা মহাবিদ্যালয়ৰ অৱসৰপ্ৰাপ্ত অধ্যক্ষ অতীন্দ্ৰ অধিকাৰীৰ আজি পুৱা গুৱাহাটীত মৃত্যু হৈছে৷
মেডিচিন বিভাগৰ চিকিৎসক হিচাপে ডা০ অধিকাৰীয়ে এক বিশিষ্ট স্থান দখল কৰিছিল৷ তেখেতে গৰিষ্ঠসংখ্যক লোককে বিনামূলীয়াকৈ চিকিৎসা প্ৰদান কৰিছিল৷ সুদক্ষ প্ৰশাসক হিচাপে ডা০ অধিকাৰী আছিল হাঁহিমুখীয়া কম কথা কোৱা ব্যক্তিত্বৰ অধিকাৰী৷
গুৱাহাটী চিকিৎসা মহাবিদ্যালয়ৰ অধ্যক্ষ হোৱাৰ পূৰ্বে তেখেত মেডিচিন বিভাগৰ মুৰব্বী অধ্যাপক হিচাপে কাৰ্যনিৰ্বাহ কৰিছিল৷ দীৰ্ঘদিন ধৰি কৰ্কট ৰোগত আক্ৰান্ত হৈ আছিল যদিও চিকিৎসক জনে নিজৰ দেহৰ কথা নাভাবি ৰোগীক সেৱা আগবঢ়াই আহিছিল৷
১৯৭৫ চনত এমবিবিএছ আৰু ১৯৮০ চনত গুৱাহাটী চিকিৎসা মহাবিদ্যালয়ৰ পৰা এমডি ডিগ্ৰী লোৱা অধিকাৰী গুৱাহাটী চিকিৎসা মহাবিদ্যালয় প্ৰাক্তন ছাত্ৰ-ছাত্ৰী সন্মিলনৰ সভাপতি আছিল৷
