কোকৰাঝাৰঃ কোকৰাঝাৰ সদৰ চহৰৰ ১০ কিলোমিটাৰ উত্তৰে থকা বিখ্যাত বালাজান তিনালীৰ বালাজান সমবায়ৰ প্ৰেক্ষাগৃহত শনিবাৰে বালাজান তিনালীৰ সমূহ ব্যৱসায়ীক লৈ এখন বৈঠক অনুষ্ঠিত হয়। উক্ত বৈঠকত বালাজান তিনালীৰ ব্যৱসায়ীসকলক সাঙুৰি বালাজান তিনালী মাৰ্চেণ্ট এছোছিয়েন নামাকৰণেৰে ব্যৱসায়ী সন্থা গঠনৰ সিদ্ধান্ত গ্ৰহণ কৰা হয়।

সেইমৰ্মে ধনঞ্জয় নাথক সভাপতি, দীপক দৈমাৰী আৰু অজিত নাৰায়ন ৰায়ক উপ-সভাপতি, দৰবিন্দ্ৰ বসুমতাৰীক সম্পাদক, শৈলেন্দ্ৰ নাথ আৰু বিশ্ব ৰবিদাসক যুটীয়া সম্পাদক, মুকেশ শ্বাহক কোষাধ্যক্ষ, সুকুৰাম দৈমাৰী, দধিৰাম নাৰ্জাৰী, ৰমেন্দ্ৰ বসুমতাৰীক উপদেষ্টা আৰু ১১ গৰাকী কাৰ্যনিৰ্বাহক সদস্যৰে ২১ জনীয়া বালাজান তিনালী মাৰ্চেণ্ট এছোছিয়েচন গঠন কৰা হয়।

সভাত বালাজান তিনালী মাৰ্চেণ্ট এছোছিয়েচনৰ নৱনিৰ্বাচিত সভাপতি ধনঞ্জয় নাথ আৰু সম্পাদক দৰবিন্দ্ৰ বসুমতাৰীয়ে নিষ্ঠা আৰু সততাৰে তেওঁলোকে নিজৰ দায়িত্ব পালন কৰিবলৈ অহোপুৰোষাৰ্থ প্ৰচেষ্টা চলাব বুলি মন্তব্য কৰি ব্যৱসায়ীসকলৰ প্ৰতিটো সমস্যা সমাধানত গুৰুত্ব দিব বুলি মন্তব্য কৰে।