বাঘজানত আজমল ফাউণ্ডেচন-আছুৰ সামগ্ৰী বিতৰণ, দুই শ্বহীদৰ পৰিয়ালক দিলে ৫০ হাজাৰকৈ
- Update Time : Tuesday, June 16, 2020
- 131 Time View
তিনিচুকীয়াঃ স্বেচ্ছাসেৱী অনুষ্ঠান আজমলে ফাউণ্ডেচনে সাহায্য আগবঢ়াইছে তিনিচুকীয়া জিলাৰ বাঘজানৰ তৈল খাদত বিস্ফোৰণত আক্ৰান্ত হৈ শৰণাৰ্থী হৈ থকা পৰিয়ালক৷ ভয়াৱহ অগ্নিকাণ্ডই বিধস্ত বাঘজানত মঙলবাৰে উপস্থিত হয় আজমল ফাউণ্ডেচনৰ এটা আশ্ৰয় শিবিৰত উপস্থিত হৈ গৃহহাৰা লোকসকলক বিভিন্ন খাদ্য-সামগ্ৰী, কাপোৰ বিতৰণ কৰে৷
অগ্নিকাণ্ডত ক্ষতিগ্ৰস্ত লোকসকলৰ মাজত প্ৰায় দহলাখ টকাৰ সামগ্ৰী বিতৰণ কৰাৰ লগতে অগ্নিকাণ্ডত মৃত্যু মুখত পৰা অইলৰ কৰ্মচাৰী টিখেশ্বৰ গোঁহাই আৰু দুৰ্লভ গগৈৰ পৰিয়ালক ৫০হাজাৰ কৈ টকা এককালীন সাহায্য প্ৰদান কৰে আজমল ফাউণ্ডেচনে।
ইফালে বাঘজানৰ আশ্ৰয় শিবিৰত আছুৰ সাধাৰণ সম্পাদক লুৰিণজ্যোতি গগৈ সহ এটা সজাতি দলেও বিতৰণ কৰে খাদ্য-সামগ্ৰী। বাঘজানৰ আশ্ৰয় শিবিৰত সামগ্ৰী বিতৰণ কৰি আছুৰ সম্পাদক লুৰিণজ্যোতি গগৈয়ে ক্ষতিগ্ৰস্তসকলক উচিত ক্ষতিপূৰণৰ লগতে ঘটনাৰ উচিত তদন্ত কৰি খাদটোৰ দায়িত্বত থকা জন এনাৰ্জি নামৰ প্ৰতিষ্ঠানটোক ব্লেক লিষ্টটেড কৰাৰো দাবী জনাই।
