প্ৰাক্তন লোকসভাৰ অধ্যক্ষ পি এ চাংমাক ৭৩ সংখ্যাক জন্মদিনত স্মৰণ, তুৰাত সমবেত শুভকাংক্ষী
- Update Time : Tuesday, September 1, 2020
- 113 Time View
গুৱাহাটীঃ উত্তৰ-পূৰ্বাঞ্চলৰ দিগ্বজ নেতা প্ৰাক্তন লোকসভাৰ অধ্যক্ষ প্ৰয়াত পি এ চাংমাৰ আজি ৭৩ সংখ্যাক জন্ম দিন৷ ১৯৪৭ চনৰ ১ চেপ্তেম্বৰত জন্মগ্ৰহণ কৰা চাংমাই ২০১৬ চনৰ ৪ মাৰ্চত দিল্লীত মৃত্যুবৰণ কৰিছিল৷ দেশৰ বিভিন্ন নেতাই উত্তৰ-পূৰ্বাঞ্চলৰ নেতাগৰাকীক স্মৰণ কৰি টুইট কৰিছে৷ পুত্ৰ তথা মেঘালয়ৰ মুখ্যমন্ত্ৰী কনৰাড চাংমাই টুইট কৰি পিতৃক স্মৰণ কৰে৷
আনহাতে পি এ চাংমাৰ পৰিয়াল আৰু শুভকাংক্ষীয়ে ৭৩ সংখ্যক ওপজা দিনত স্মৰণ কৰি তুৰাত সমবেত হয়৷ আনহাতে জন্মস্থান তুৰাৰ পি এ চাংমা ষ্টেডিয়ামত স্থাপন কৰা আৱক্ষ প্ৰতিমূৰ্তিৰ তলত সমবেত হয় বহু লোক৷ আৱক্ষ মূৰ্তিৰ তলত সমবেত লোকসকলে পি এ চাংমাক স্মৰণ কৰি আত্মাৰ সদ্গতি কামনা কামনাৰে প্ৰাৰ্থনা জনায়৷
একালত ভাৰতীয় ৰাজনীতিত দপদপাই থকা পি এ চাংমাই ১৯৯৬-৯৮ চনলৈ লোকসভাৰ অধ্যক্ষ ৰূপে কাৰ্যনিৰ্বাহ কৰিছিল৷ ১৯৯৮-৯০ চনলৈ মেঘালয়ৰ মুখ্যমন্ত্ৰী ৰূপে কাৰ্যনিৰ্বাহ কৰে৷ ২০১২ চনক তেওঁ ৰাষ্ট্ৰপতি পদৰ প্ৰাৰ্থী হৈছিল যদিও প্ৰণৱ মুখাৰ্জীৰ হাতত পৰাজয়বৰণ কৰিছিল৷
