পুলিচৰ এনকাউণ্টাৰত দেশত বিগত দুটা বছৰত মৃত্যু ২৩৩ জনৰ
- Update Time : Wednesday, July 27, 2022
- 49 Time View
ডিজিটেল ডেস্কঃ ২০২০ ৰ পৰা ২০২১ ৰ ভিতৰত পুলিচৰে হোৱা এনকাউণ্টাৰত দেশত ২৩৩ জন লোকৰ মৃত্যু হৈছে। লোকসভাত এই তথ্য জনাইছে কেন্দ্ৰীয় মন্ত্ৰী নিত্যানন্দ ৰায়ে। বিগত দুটা বছৰত ভাৰতত ৪৪৮৬ জন লোকৰ জেইলত মৃত্যু হৈছে। সকলোতকৈ বেছি মৃত্যু হৈছে বিজেপি শাসিত উত্তৰ-প্ৰদেশত। ২০২০ৰ পৰা ২০০২১ ৰ ভিতৰত উত্তৰ-প্ৰদেশত ৯৫২ জন কাৰাবন্দীৰ মৃত্যু হৈছে। উত্তৰ-প্ৰদেশৰ পিছতেই বিগত দুটা বছৰত পশ্চিম বংগত ৪৪২ জন কাৰাবন্দীৰ মৃত্যু।
এই উদ্বেগজনক তথ্য সদনত প্ৰকাশ পোৱাৰ লগে লগেই দেশজুৰি প্ৰতিক্ৰিয়াৰ সৃষ্টি হৈছে। বিহাৰত দুবছৰত ৩৯৬ জন কাৰাবন্দী মৃত্যু হৈছে। উত্তৰ বাৰতৰ লগতে উত্তৰ পূৰ্বাঞ্চলত জেইলত থকা লোকৰ মৃত্যুৰ সংখ্যা তুলনামূলকভাবে কম। মনিপুৰ, মিজোৰাম, নাগালেণ্ড অৰুণাচল আৰু ত্ৰিপুৰাত ১০ জনতকৈ কম লোকৰ মৃত্যু হৈছে। কেন্দ্ৰীয় শাসিত অঞ্চলত বিগত দুটা বছৰত কাৰাবন্দী লোকৰ মৃত্যুৰ সংখ্যা শূন্য।
