ডিজিটেল ডেস্কঃ চীনা সৈনিকে পুনৰ ভাৰতৰ ভূমিত প্ৰৱেশৰ চেষ্টা চলোৱা খবৰ আহিছে৷ বিগত ২৪ ঘণ্টাত পুনৰ চীনা সৈন্যই ভাৰতত ভূমিত প্ৰৱেশৰ চেষ্টা চলোৱাত সীমান্তত পুনৰ উত্তেজনাই বিৰাজ কৰিছে৷ পূব লাডাখ চেক্টৰত ভাৰত আৰু চীনা সৈন্যৰ মাজৰ পৰিস্থিতি পুনৰ উত্তেজনাময় পূৰ্ণ হৈ পৰা বুলি খবৰ প্ৰকাশ পাইছে৷

জানিব পৰা মতে, শেহতীয়াকৈ চীনা সৈন্যই পেংগাং হ্ৰদৰ দক্ষিণ প্ৰান্তেৰে ভাৰতৰ ভূমিত প্ৰৱেশৰ চেষ্টা চলায়৷ উক্ত সময়তে ভাৰতীয় সেনাই চীনা সৈন্যক ৰখাবলৈ চেষ্টা কৰে৷ ভাৰতীয় সেনাই উচিত প্ৰত্যুত্তৰ দি চীনা সেন্যক ভাৰতীয় সীমাৰ পৰা বাহিৰ কৰি দিয়া বুলি ভাৰতীয় সেনাৰ সুত্ৰই প্ৰকাশ কৰিছে৷

চীনা সৈন্যই শেহতীয়া যথাস্থিতশীল পৰিস্থিতি সলনি কৰিবলৈ নতুন গতিবিধি আৰম্ভ কৰিছে৷ চীনা সৈন্যৰ এই প্ৰচেষ্টা বিফল কৰে ভাৰতীয় বীৰ সেনা জোৱানে৷

কেন্দ্ৰীয় চৰকাৰে সোমবাৰে জাৰি কৰা মন্তব্যত কয় যে ‘‘চীনা সেন্যই যথাস্থিতি পৰিস্থিতি সলনি কৰিবলৈ সৈন্য গতিবিধি কৰিছে’’৷ কিন্তু ভাৰতীয় সেনাই চীনা সৈন্যৰ গতিবিধি লক্ষ্য কৰি চীনা সৈন্যৰ প্ৰচেষ্টাক বিফল কৰে৷ ৰক্ষা মন্ত্ৰালয়েও এক বিবৃতি জাৰি কৰি কয় যে ২৯ আৰু ৩০ আগষ্টৰ নিশা চীনা সেন্যই ভাৰতৰ ভূমিত প্ৰৱেশৰ চেষ্টা চলাইছিল৷ ভাৰতীয় সেনাই চীনা সৈন্যৰ বিৰুদ্ধে সঞ্চালনা বৃদ্ধি কৰে৷

ইয়াৰ পূৰ্বে ১৬-১৭ জুনত ভাৰত-চীন সীমান্তৰ গালৱান ঘাটিত দুই দেশৰ সৈন্যৰ হিংসাত্মক সংঘাতত ভাৰতৰ ২০গৰাকী জোৱান শ্বহীদ হোৱাৰ লগতে চীনৰ কমেও ৪০ জন জোৱান আহত-নিহত হোৱা বুলি খবৰ প্ৰকাশ পাইছিল৷

উল্লেখ্য যে, চীন আৰু ভাৰতীয় জোৱানৰ মাজত পুনৰ হিংসাত্মক কাৰ্যত লিপ্ত হৈছে বুলি অনুমান কৰা হৈছে৷ কিন্তু ক্ষয়-ক্ষতিৰ কোনো তথ্য জানিব পৰা হোৱা নাই৷