ডিজিটেল ডেস্কঃ কংগ্ৰেছৰ ২০ জ্যেষ্ঠ নেতাই পত্ৰ বোমাৰে নেতৃত্ব সলনি কৰাৰ দাবী উত্থাপন কৰাৰ পিছতে এইবাৰ জ্যেষ্ঠ কংগ্ৰেছ নেতা তথা প্ৰাক্তন কেন্দ্ৰীয় মন্ত্ৰী কপিল চিব্বালে এটাৰ পিছত আন এটা টুইট কৰি নেতৃত্বৰ বিৰুদ্ধে বিষোদগাৰ কৰা গৈছে৷ দলৰ নেতৃত্বৰ বিৰুদ্ধে কপিল চিব্বালক বেছি মুখৰ হৈ পৰা দেখা যায়৷ সোমবাৰ আৰু মঙলবাৰে টুইট কৰি দলৰ নেতৃত্বক আক্ৰমণ কৰাৰ লগতে বুধবাৰেও টুইট কৰি পুনৰ দলৰ বিৰুদ্ধে বিষোদগাৰ প্ৰকাশ কৰিছে৷ বুধবাৰে টুইট কৰি চিব্বালে কয় ‘‘নীতিৰ সপক্ষে যুঁজ দিয়াৰ সময়৷ জীৱনটোত, ৰাজনীতিত, আদালতত, সামাজিক কৰ্মীৰ মাজত, ছ’চিয়েল মিডিয়াৰ মঞ্চত বিৰোধ কৰা মানুহ পোৱাই যায়৷ সমৰ্থন আদায়ৰ বাবেহে ব্যৱস্থা কৰিব লাগে৷’’

কংগ্ৰেছত বিসম্বাদ চলি থকাৰ সময়তে জ্যেষ্ঠ কংগ্ৰেছ নেতা কপিল চিব্বালৰ টুইট যোগে মতামত প্ৰকাশ কৰি গৈছে৷ কেইবাগৰাকী কংগ্ৰেছ নেতাই নেতৃত্ব সলনি তথা স্থায়ী অধ্যক্ষ নিয়োগ কৰাৰ দাবী উত্থাপন কৰি থকাৰ সময়তে জ্যেষ্ঠ কংগ্ৰেছ নেতা চিব্বালে মঙলবাৰে টুইট কৰি কৈছিল ‘‘এয়া কোনো পদৰ কথা নহয়, এয়া মোৰ দেশৰ বাবে৷ যিটো সকলোতকৈ গুৰুত্বপূৰ্ণ৷’’

সোমবাৰে কংগ্ৰেছৰ কাৰ্যকৰী সমিতিৰ বৈঠক অনুষ্ঠিত হৈছিল৷ বৈঠকে ছোনীয়া গান্ধীক ৬ মাহৰ বাবে অন্তৱৰ্তীকালীন অধ্যক্ষ হিচাপে কাৰ্যভাৰ চলাই যোৱাৰ মতত উপনীত হোৱাৰ সময়তে মঙলবাৰে কপিল চিব্বালে এটা টুইট কৰি নিজ দলকে আক্ৰমণ কৰিছিল যদিও পিছত টুইট ডিলিট কৰে৷ উল্লেখ্য যে, দলৰ নেতৃত্ব সলনি কৰাৰ দাবীত প্ৰায় ২০গৰাকী জ্যেষ্ঠ নেতাই ছোনীয়া গান্ধীক পত্ৰ লিখিছিল৷ পত্ৰত স্বাক্ষৰ কৰিছিল কপিল চিব্বালেও৷