February 9, 2023, 1:16 am
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি আকৌ বজাৰত মূৰ তুলিছে আদানিয়ে, শ্বেয়াৰ মাৰ্কেট স্থিৰ ডাঙৰ চহৰত সৰু কথাতে মানুহক হত্যা, ৫৬ বছৰীয়া লোকক মৰিয়াই নৃশংস হত্যা গ্ৰাহকৰ মূৰত বাঢ়িল ঋণৰ বোজাঃ ৰিজাৰ্ভ বেংকৰ ৰেপোৰেট ৬.৫ শতাংশলৈ লৈ বৃদ্ধি AIUDFৰ বিধায়কৰ আশ্ৰাফুল হুছেইনৰ বিৰুদ্ধে যুৱতীক অপহৰণৰ অভিযোগ ৰাজ্যবাসীৰ বাবে ভাল খবৰ ,অসমৰ আকাশত ন বিমান সংযোগঃ উৰিব পৱন হংস উত্তৰাখণ্ডত ভাইৰেল ফিভাৰত আক্ৰান্ত ৪২ জনকৈ স্কুলীয়া শিক্ষাৰ্থী দেওলীয়া আদানিৰ হাতত এতিয়া কি কি আছে? ৰাষ্ট্ৰীয় মহিলা কাবাদী খেলুৱৈৰ প্ৰশিক্ষক বিৰুদ্ধে শাৰীৰিক নিৰ্যাতনৰ অভিযোগ ভুৱা এনকাউণ্টাৰ কৰি মূল্য ভৰিলে পুলিচে বন বিভাগৰ গাফিলতিৰ বাবেই বনাঞ্চলৰ পৰা জনাঞ্চললৈ ওলাই আহি গঁড়ৰ মৃত্যু

পুথিচিত্ৰৰ শৈলীত গুৰুজনাৰ জীৱনী অংকনঃ অসমীয়া কলা-কৃষ্টিক বিশ্ব দৰবাৰত তুলি ধৰা শিল্পী সুজিত দাসৰ আন এক প্ৰয়াস

Reporter Name
  • Update Time : Monday, September 21, 2020
  • 122 Time View

বেবেজীয়াঃ পুথিচিত্রৰে দেশ-বিদেশৰ চিত্র প্রদর্শনীত ভাগ লৈ বহুলভাৱে সমাদৃত হোৱা নগঞা শিল্পী সুজিত দাসৰ আন এক প্ৰয়াস। ভীষ্ম দূৰ্লভ মহন্তৰ দ্বাৰা সম্পাদিত ‘সচিত্র শংকৰদেৱ’ নামৰ গ্রন্থখনত অসমৰ পুথিচিত্রৰ শৈলীত শিল্পী গৰাকীয়ে আঁকিছে গুৰুজনাৰ জীৱনী। আনকি ইতিমধ্যে এই গ্রন্থৰ বহু কপি দেশ-বিদেশত বিলাই দিছে তেওঁ। যাৰ দ্বাৰা গুৰুজনাৰ জীৱনী সচিত্র কৰাৰ জৰিয়তে অসমৰ চিত্রকলাক বিশ্ব দৰবাৰত লৈ গৈছে শিল্পী সুজিত দাসে। সেয়ে তেওঁ সাঁচিপাতত হেঙুল-হাইতাল বুলাই জন্ম দিছে বহু চিত্রৰ আৰু তেওঁৰ হাতত প্রাণ পাইছে অসমৰ বুৰঞ্জীয়ে।

স্মৰ্তব্য যে, বৰ্তমান সাঁচিপাতত অঁকা ‘চিত্রলেখাই অনিৰুদ্ধৰ ছবি অঁকা’ৰ দৃশ্য বা ‘হৰি-হৰ যুদ্ধ’ৰ দৃশ্যৰ চিত্র আছে ঝাড়খণ্ডৰ ট্রাইবেল মিউজিয়ামত। তদুপৰি পুৰণি পেপিৰাছ পাতত আঁকিছে ‘হিউয়েন চাঙৰ অসম ভ্রমণ’ৰ দৃশ্য৷ যি এতিয়াও জিলিকি আছে চীনৰ ভাৰতীয় দূতাবাসত। ইয়াৰ সমান্তৰালকৈ শিল্পীগৰাকীয়ে আঁকিছে চিত্র ভাগৱত আৰু সাত বৈকুন্ঠৰ কাল্পনিক চিত্র। যিবোৰ ইতিমধ্যে বিভিন্ন মিউজিয়ামত সংৰক্ষিত হৈ আছে। আনকি তেওঁ অসমৰ পুথি ৰখা বাকচকো নতুন ৰূপ দি জীয়াই তুলিছে। সেয়ে এনে কৰ্মৰাজিৰ বাবেই শিল্পী সুজিত দাসৰ চিত্রকলাৰ প্রশংসা কৰিছে বৃটিছ প্রিন্স উইলিয়াম, তিব্বতৰ দালাই লামাকে প্ৰমুখ্য কৰি বহু প্রখ্যাত ব্যক্তিয়ে।

খুব কম সময়তে বেছ সমাদৃত হোৱা শিল্পীগৰাকীৰ অসমৰ পুথিচিত্রৰ প্রদর্শনী কৰিছে ৰাছিয়া, আমেৰিকা, চীন, ডুবাই, নেপাল, শ্রীলংকা, ইজিপ্ট, ভিয়েটনাম, ভূটান, মালেছিয়া, ছিংগাপুৰ, ইয়োৰোপৰ গ্রীছ, কছোভো আদিকে ধৰি বিশ্বৰ ২৫খন দেশত৷ ইফালে, এনে কৰ্মৰাজিৰ স্বীকৃতি স্বৰূপে শিল্পীগৰাকীয়ে ২০১৪-১৫ বর্ষত পুথিচিত্রৰ বাবে লাভ কৰিছে ভাৰত চৰকাৰৰ সাংস্কৃতিক মন্ত্রণালয়ৰ বিশেষ ফেল’শ্বিপ৷ আচলতে বিশ্বৰ দীঘল তুলিকাৰে বিষ্ণু ৰাভাৰ ছবি আঁকি অসমৰ নাম গীণিজ বুকত সন্নিবিষ্ট কৰা এই শিল্পীজনে চিত্রকলাৰ আদিপাঠ গ্রহণ কৰিছিল বিশিষ্ট চিত্রশিল্পী প্রণৱ বৰুৱাৰ পৰা। শেহতীয়াকৈ সুজিত দাসে শংকৰী মুখা আৰু শিশুৰ সৈতে অঁকা ছবিৰ ছিৰিজে কলাপ্রেমীৰ বিশেষ দৃষ্টি আকর্ষণ কৰিবলৈ সক্ষম হৈছে। আনকি শিল্পী সুজিত দাসে বিগত ২১ বছৰ ধৰি জ্যোতি চিত্রাংকন বিদ্যালয়ৰ জৰিয়তে চিত্রবিদ্যা বিলাই দিছে উত্তৰ প্রজন্মৰ হাতত। মুঠতে ব্যতিক্ৰমী চিন্তাধাৰাৰে পৰিপুষ্ট নগঞা এই শিল্পীগৰাকীৰ সপোন চিত্রশিল্পৰ জৰিয়তে অসমৰ কলা-কৃষ্টি-সংস্কৃতিক পৰিচয় বিশ্ব দৰবাত অধিক মজবুট কৰাৰ৷

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে