নুমলীগড়ত বনৰীয়া হাতী-নাহৰফুটুকী-বান্দৰৰ উপদ্ৰৱ, বন বিভাগ আছে শুই
- Update Time : Saturday, June 27, 2020
- 79 Time View
নুমলীগড়ঃ নুমলীগড়ত বনৰীয়া হাতীৰ সন্ত্ৰাস অব্যাহত আছে৷ বান আৰু ক’ৰোনাৰ আতংকৰ মাজতে এতিয়া বনৰীয়া হাতীৰ জাকৰ সন্ত্ৰাস আৰম্ভ হোৱাত ৰাইজ শংকিত হৈ পৰিছে৷ ইয়াৰ মাজতে নুমলীগড় চাহ বাগিচাৰ বৰমহৰী পথাৰৰ বিএমপি লাইনত বনৰীয়া হাতীয়ে তাণ্ডৱ অব্যাহত ৰাখিছে। চাহ বাগিচাত কৰ্মৰত মহিলা শ্ৰমিকক আক্ৰমণৰ বাবে উদ্যত হৈ খেদি অহাত অতংকৰ সৃষ্টি কৰিছে। ফলত কাম এৰি পলায়ন কৰিব লগা হৈছে চাহ শ্ৰমিক।
খাদ্যৰ সন্ধানত জংঘল এৰি জন অৰণ্যলৈ পোৱালী সহ ওলাই অহা বনৰীয়া হাতীৰ জাকটোৱে বাগানত পাত ছিঙিবলৈ যোৱা মহিলা শ্ৰমিকক আক্ৰমণ কৰে৷ ফলত হুৱা-দুৱা লাগে। প্ৰাণৰ মমতা পলায়ন কৰে শ্ৰমিকসকল। দিন দুপৰতে বাগানৰ লাইনটো প্ৰৱেশ কৰে বন্যহস্তীৰ জাকে। ইফালে একে সময়তে সমগ্ৰ নুমলীগড়তে বান্দৰৰ জাকে চলাইছে উপদ্ৰৱ। সমান্তৰালকৈ নাহৰফুটুকী বাঘেও বহু ঠাইত ঘৰৰ হাঁহ, কুকুৰা, ছাগলী ভক্ষণ কৰি আহিছে। ইমানৰ পিছতো চকু মুদা কুলিৰ ভাও ধৰিছে বন বিভাগে
