নাজিৰাত ভূমিনীতি বাতিল-মূল্যবৃদ্ধিৰ বিৰুদ্ধে প্ৰধানমন্ত্ৰী-মুখ্যমন্ত্ৰীৰ প্ৰতিকৃতি দাহ আছুৰ
- Update Time : Friday, July 3, 2020
- 96 Time View
নাজিৰাঃ নতুন ভূমিনীতি বাতিল, পেট্ৰল-ডিজেলৰ অত্যাধিক মূল্যবৃদ্ধিৰ বিৰুদ্ধে ৰাজ্যজুৰি প্ৰতিবাদ অব্যাহত থকাৰ সময়তে উজনি অসমৰ শিৱসাগৰ জিলাৰ নাজিৰাত বৃহস্পতিবাৰে সদৌ অসম ছাত্ৰ সন্থা চমুকৈ আছুৱে উত্তাল প্ৰতিবাদ সাব্যস্ত কৰে৷ জাতি-মাটি-ভেটিৰ সুৰক্ষাৰ কথা কৈ শাসনলৈ অহা বিজেপি চৰকাৰে অসমীয়া জাতিক নিজৰ ঘৰতে ভগনীয়া কৰিব খোজাৰ অভিযোগ উত্থাপন কৰি নাজিৰাত প্ৰধানমন্ত্ৰী নৰেন্দ্ৰ মোদী, প্ৰেট্টলিয়াম মন্ত্ৰী ধৰ্মেন্দ্ৰ প্ৰধান, মুখ্যমন্ত্ৰী সৰ্বানন্দ সোণোৱাল আৰু ৰাজ্যৰ যোগান মন্ত্ৰী ফণীভূষণ চৌধুৰীৰ প্ৰতিকৃতি দাহ কৰে।
খিলঞ্জীয়া বিৰোধী ভূমি নীতিৰ কেবিনেট সিদ্ধান্ত বাতিল, মূল্যবৃদ্ধি নিয়ন্ত্ৰণ কৰাৰ দাবীত আছুৰ নেতা-কৰ্মী নাজিৰাৰ ৰাজপথলৈ ওলাই আহি বিজেপি চৰকাৰ হায়ঃ হায়ঃ, নৰেন্দ্ৰ মোদী-সৰ্বানন্দ সোণোৱাল মূৰ্দাবাদ, খিলঞ্জীয়া বিৰোধী ভূমি নীতিৰ সিদ্ধান্ত বাতিল কৰক, নিত্য ব্যৱহায্য সামগ্ৰীৰ মূল্যবৃদ্ধি ৰোধ কৰক আদি শ্ল’গানেৰে নাজিৰাৰ আকাশ-বতাহ কঁপাই তোলে।
