March 30, 2023, 7:47 pm
শেহতীয়া খবৰ ▪️
নগাঁৱত পথ দুৰ্ঘটনাত প্ৰাণ গ’ল অৱসৰপ্ৰাপ্ত শিক্ষকৰ
Reporter Name
- Update Time : Monday, June 29, 2020
- 117 Time View
জয়ন্ত মুদৈ, বেবেজীয়াঃ নগাঁও জিলাৰ বটদ্ৰৱা থানা এলেকাৰ ভেটিয়নীত সোমবাৰে এক পথ দুৰ্ঘটনাত এগৰাকী অৱসৰপ্ৰাপ্ত শিক্ষক নিহত হয়৷ নগাঁও-ধিং গড়কাপ্তানী পথৰ ভেটিয়নীত তীব্ৰ বেগেৰে আহি থকা এ এছ-০২-এন-৬৫১২ নম্বৰৰ হোণ্ডা চাইন আৰু এ এছ-০২-জি-০৫১৮ নম্বৰৰ মটৰ চাইকেল দুখনৰ মাজত সংঘৰ্ষ লাগে৷
ফলত ধিং গাঁৱৰ ইছমাইল হুছেইন আকন্দ (৬৫) নামৰ অৱসৰপ্ৰাপ্ত শিক্ষক জন গুৰুতৰভাৱে আহত হয়। স্থানীয় লোকে ততাতৈয়াকৈ আহত লোকজনক নগাঁও ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে যদিও চিকিৎসকে মৃত ঘোষণা কৰে।
ঘটনাস্থলীত আৰক্ষী উপস্থিত হৈ মটৰচাইকেল দুখন উদ্ধাৰ কৰে। ধিং গাঁৱৰ ইছমাইল হুছেইন আকন্দ গৰৈমাৰী মোক্তাৱ স্কুলৰ অৱসৰপ্ৰাপ্ত প্ৰধান শিক্ষক আছিল৷ অৱসৰপ্ৰাপ্ত শিক্ষকজনৰ কৰুণ মৃত্যুত অঞ্চলজুৰি শোকৰ ছাঁ পৰে৷
◼️ তলৰ বাতৰিসমূহো পঢ়িব পাৰে
