February 9, 2023, 2:22 am
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি আকৌ বজাৰত মূৰ তুলিছে আদানিয়ে, শ্বেয়াৰ মাৰ্কেট স্থিৰ ডাঙৰ চহৰত সৰু কথাতে মানুহক হত্যা, ৫৬ বছৰীয়া লোকক মৰিয়াই নৃশংস হত্যা গ্ৰাহকৰ মূৰত বাঢ়িল ঋণৰ বোজাঃ ৰিজাৰ্ভ বেংকৰ ৰেপোৰেট ৬.৫ শতাংশলৈ লৈ বৃদ্ধি AIUDFৰ বিধায়কৰ আশ্ৰাফুল হুছেইনৰ বিৰুদ্ধে যুৱতীক অপহৰণৰ অভিযোগ ৰাজ্যবাসীৰ বাবে ভাল খবৰ ,অসমৰ আকাশত ন বিমান সংযোগঃ উৰিব পৱন হংস উত্তৰাখণ্ডত ভাইৰেল ফিভাৰত আক্ৰান্ত ৪২ জনকৈ স্কুলীয়া শিক্ষাৰ্থী দেওলীয়া আদানিৰ হাতত এতিয়া কি কি আছে? ৰাষ্ট্ৰীয় মহিলা কাবাদী খেলুৱৈৰ প্ৰশিক্ষক বিৰুদ্ধে শাৰীৰিক নিৰ্যাতনৰ অভিযোগ ভুৱা এনকাউণ্টাৰ কৰি মূল্য ভৰিলে পুলিচে বন বিভাগৰ গাফিলতিৰ বাবেই বনাঞ্চলৰ পৰা জনাঞ্চললৈ ওলাই আহি গঁড়ৰ মৃত্যু

ধুবুৰীত হিমাচলৰ ট্ৰাক চালকক হত্যা, ছট্টিছগড়ত বিক্ৰী ট্ৰাক, বঙাইগাঁও আৰক্ষীয়ে ছট্টীছগড়ত ধৰিলে হত্যাকাৰী মণপ্ৰিত-হৰবিন্দক

Reporter Name
  • Update Time : Tuesday, August 25, 2020
  • 94 Time View

বঙাইগাঁওঃ বঙাইগাঁও আৰক্ষীয়ে চট্টীছগড়ত অভিযান চলাই ট্ৰাকচালক হত্যাকাৰীক গ্ৰেপ্তাৰ কৰি অসমলৈ আনিবলৈ সক্ষম হৈছে৷ হিমাচল প্ৰদেশৰ উনা জিলাৰ বাসিন্দা দেবেন্দ্ৰ কুমাৰ (৫১) নামৰ ট্ৰাকচালকক হত্যা কৰি অসম এৰি ছট্টিছগড়লৈ পলায়ন কৰিছিল মণপ্ৰিত সিং (২৯) আৰু হৰবিন্দ সিং (৫০) নামৰ দুগৰাকী আন ট্ৰাকচালক৷ পিছত নাটকীয় ভাৱে মণপ্ৰিত সিং আৰু হৰবিন্দ সিঙৰ বিৰুদ্ধে হত্যাকাণ্ডৰ অভিযোগ উত্থাপন হোৱাত বঙাইগাঁও জিলা আৰক্ষীৰ এটা দলে ছট্টিছগড় আৰক্ষীৰ সহায়ত গ্ৰেপ্তাৰ কৰি বঙাইগাঁৱলৈ লৈ আহে মণপ্ৰিত সিং আৰু হৰবিন্দ সিঙক৷ মঙলবাৰে বঙাইগাঁও জিলাৰ আৰক্ষী অধীক্ষক পি কে কাকতিয়ে এখন সংবাদমেল অনুষ্ঠিত কৰি জনোৱা মতে যোৱা ৮ জুলাইত বঙাইগাঁৱত এগৰাকী ট্ৰাকচালকক হত্যা কৰি পলায়ন কৰিছিল পঞ্জাৱৰ মণপ্ৰিত সিং আৰু হৰবিন্দ সিং৷

উল্লেখ্য যে, হিমাচল প্ৰদেশৰ উনা জিলাৰ বাসিন্দা দেবেন্দ্ৰ কুমাৰ (৫১) নামৰ ট্ৰাকচালক জনে মালবাহী ট্ৰাকসহ অসমত প্ৰৱেশ কৰিছিল লক-ডাউনৰ সময়ত৷ লক-ডাউন চলি থকাৰ ফলত দীৰ্ঘদিন অসমৰ পৰা ওলাই যাব পৰা নাছিল ট্ৰাকচালক দেবেন্দ্ৰ কুমাৰ৷ উক্ত সময়তে দেবেন্দ্ৰ কুমাৰ অসমতে ট্ৰাক চলাবলৈ আৰম্ভ কৰে৷ কিন্তু ট্ৰাকচালক দেবেন্দ্ৰ কুমাৰৰ মোবাইলৰ অফ হৈ পৰে ৮ জুলাইৰ পৰা৷ পৰিয়ালৰ সৈতে যোগাযোগ বন্ধ হৈ পৰাত চিন্তাত পৰে পৰিয়াল৷ এনে অৱস্থাত হিমাচল প্ৰদেশৰ পৰা দেবেন্দ্ৰ কুমাৰৰ পৰিয়ালৰ লোকে যোগাযোগ কৰে বঙাইগাঁও আৰক্ষীৰ সৈতে৷ পিছত বঙাইগাঁও আৰক্ষীয়ে তদন্ত কৰি দেবেন্দ্ৰ কুমাৰক হত্যা কৰাৰ সন্দেহ কৰে৷

লক-ডাউনৰ সময়ছোৱাত দেবেন্দ্ৰ কুমাৰ অসমত গাড়ী চলাই থকা অৱস্থাত মণপ্ৰিত সিং আৰু হৰবিন্দৰ সিঙৰ সৈতে চিনাকী হৈ সম্পৰ্ক গঢ়িছিল৷ কিন্তু যোৱা ৮ জুলাইত দেবেন্দ্ৰ কুমাৰৰ সৈতে মণপ্ৰিত আৰু হৰবিন্দৰৰ সাধাৰণ কথাক লৈ বঙাইগাঁও জিলাৰ গেৰুকাবাৰী আৰক্ষী অন্তৰ্গত ৩১নং ৰাষ্ট্ৰীয় ঘাইপথত কাজিয়াৰ সূত্ৰপাত হয়৷ কাজিয়াৰ সূত্ৰপাতৰ পিছতে মণপ্ৰিত আৰু হৰবিন্দৰে ডিঙি চেপি দেবেন্দ্ৰ কুমাৰক হত্যা কৰে আৰু মৃতদেহ ধুবুৰী জিলাৰ চাপৰ থানাৰ অন্তৰ্গত ৰাষ্ট্ৰীয় ঘাই পথৰ কাষত পেলাই দিয়ে৷

পিছত দেবেন্দ্ৰ কুমাৰৰ এইচ.পি-৭২বি-৪৪০২ ট্ৰাকখন মণপ্ৰিত আৰু হৰবিন্দই অসমৰ পৰা লৈ যায় আৰু ছট্টিছগড়ৰ ৰায়পুৰত বিক্ৰী কৰে৷ এই হত্যাকাণ্ডৰ তদন্তৰ ভিত্তিত বঙাইগাঁও আৰক্ষীয়ে হত্যাকাণ্ডৰ সৈতে জৰিত অভিযুক্ত হত্যাকাৰীক ছট্টিছগড় ৰাজ্যৰ পৰা গ্ৰেপ্তাৰ কৰিবলৈ সক্ষম হয়৷ বঙাইগাঁও সদৰ থানাৰ ভাৰপ্ৰাপ্ত বিষয়া জ্যোতি লাহনৰ নেতৃত্বত যোৱা এটা দলে দুই হত্যাকাৰী মণপ্ৰিত সিং আৰু হৰবিন্দ সিঙক ছট্টিছগড়ৰ পৰা গ্ৰেপ্তাৰ কৰি বঙাইগাঁৱলৈ লৈ আহে৷ দুই অভিযুক্তৰ ঘৰ হৈছে পঞ্জাৱত৷ বঙাইগাঁও আৰক্ষীয়ে ইতিমধ্যে ঘটনা সন্দৰ্ভত বঙাইগাঁও সদৰ থানাত ৪৪৮/২০ নম্বৰৰ গোচৰ ৰুজু কৰে৷ দুই আচামীক আদালতে বঙাইগাঁও আৰক্ষীক ৫ দিনৰ জিম্মাত দিয়ে৷

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে