February 2, 2023, 3:27 am
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি প্ৰেমত হাবুডুবো খোৱা উৰ্বশ্ৰীৰ প্ৰেম হৈ ৰ’ল আধৰুৱা… বিতৰ্কই লগ এৰা নাই সাহিত্য সভাৰ, কাৰ্যসূচীত বিনা অনুমতিত সন্নিবিষ্ট কৰিলে সাহিত্যিক ৰীতা চৌধুৰীৰ নাম নিম্ন মধ্যবিত্তক আকৰ্ষণ কৰিবলৈ কৰৰ বোজা কিছু হ্ৰাস কৰাৰ প্ৰস্তাৱ দিছে নিৰ্মলা সীতাৰমণে APDCLৰ লোকচানৰ বোজা সাধাৰণ জনতাৰ ওপৰত জাপি দিয়া কাৰ্য মানি লোৱা নহ’বঃ আপ টুকটুকী ছায়া স্মৃতি এম ই মাদ্ৰাছাৰ অৱসৰপ্ৰাপ্ত শিক্ষয়িত্ৰীক বিদায় সম্বৰ্ধনা মুখ্যমন্ত্ৰীয়ে নাই বুলি কোৱাৰ পাছতো বিজেপিৰ বিধায়ক ৰমাকান্তৰ মতে বাঘ হাজৰিকা আছিল অৰবিন্দ কেজৰিৱালক হত্যাৰ ভাবুকিঃ মাজনিশা আৰক্ষীলৈ আহিল ফোনকল বেবেজীয়াত প্ৰাকৃতিক পৰিবেশত ‘ৰ’দঘাই বেবেজীয়া’ৰ নাট মহোৎসৱৰ সফল সামৰণি আদানি-কাণ্ডৰ ফলত ক্ষতিগ্ৰস্ত ৰাজহুৱা খণ্ডৰ বেংক-বিত্তীয় প্ৰতিষ্ঠানত বিনিয়োগ কৰা অসমৰ লোকৰ ধন কিমান নিৰাপদ? বিবিচিৰ ডকুমেণ্টৰী নিষিদ্ধ সন্দৰ্ভত ৬ ফেব্ৰুৱাৰীত শুনানি গ্ৰহণ কৰিব উচ্চতম ন্যায়ালয়ে

দৰমহা, সা-সুবিধাৰ পৰা বঞ্চিত কাৰ্বি আংলঙৰ ৯ পৌৰ নিকায় কৰ্মচাৰীৰ ১০দিনীয়া অৱস্থান ধৰ্মঘট আৰম্ভ

Reporter Name
  • Update Time : Monday, September 28, 2020
  • 113 Time View

বোকাজানঃ ৰাজ্যৰ পৌৰ কৰ্মচাৰীসকলৰ বিভিন্ন সমস্যা সমাধানৰ দাবীত সদৌ অসম পৌৰ নিকায় কৰ্মচাৰী সন্থাৰ আহ্বানত সমগ্ৰ অসমৰ লগতে বোকাজান পৌৰসভাৰ কৰ্মচাৰীয়েও আজিৰে পৰা দহদিনীয়া অৱস্থান ধৰ্মঘট কাৰ্যসূচীত আৰম্ভ কৰিছে। সুদীৰ্ঘ ২৭ মাহ পৰ্যন্ত প্ৰাপ্য দৰমহা তথা অন্যান্য সা-সুবিধাৰ পৰা বঞ্চিত বোকাজান পৌৰসভাৰ লগতে কাৰ্বি আংলঙৰ মুঠ ৯খনকৈ পৌৰ নিকায়ৰ কৰ্মচাৰীয়ে আজিৰে পৰা অহা সাত অক্টোবৰ পৰ্যন্ত দহদিনীয়া অৱস্থান ধৰ্মঘটত অৱস্থান গ্ৰহণ কৰিছে।

উল্লেখ্য যে নগৰ এলেকাসমূহৰ উন্নয়ন তথা পৰিষ্কাৰ-পৰিচ্ছন্ন কৰি ৰখাৰ ক্ষেত্ৰত দিনে নিশাই শ্ৰম কৰি অহাৰ পিছতো মাহৰ পিছত মাহ ধৰি প্ৰাপ্য দৰমহাকে ধৰি অন্য সা-সুবিধা প্ৰদানৰ ক্ষেত্ৰত চৰকাৰে প্ৰদৰ্শন কৰি অহা উদাসীনতাৰ প্ৰতিবাদত সদৌ অসম পৌৰ নিকায় কৰ্মচাৰী সন্থাৰ আহ্বানক্ৰমে পাহাৰীয়া জিলাখনতো পৌৰ কৰ্মীসকলে আজিৰে পৰা এই প্ৰতিবাদী কাৰ্যসূচীত অংশগ্ৰহণ কৰে।

মূলতঃ পৌৰ কৰ্মীসকলৰ চাকৰি চৰকাৰীকৰণৰ কেবিনেট সিদ্ধান্ত কাৰ্যকৰী কৰা, ২৭ মাহ পৰ্যন্ত অনাদায় দৰমহা প্ৰদানৰ লগতে মাহিলী দৰমহা আদায় নিশ্চিত কৰা, পৌৰসভাৰ সুনিৰ্দিষ্ট কৰ্মচাৰী গাঁঠনিৰ চৰকাৰী অধিসূচনা জাৰি কৰা, ৰাজ্য চৰকাৰৰ নিষেধাজ্ঞা সত্বেও বিভিন্ন পৌৰসভাই নীতি বহিৰ্ভূতভাৱে দিয়া নিযুক্তি বাতিল কৰা, ষষ্ঠ অনুসূচীৰ অন্তৰ্গত পৌৰ কৰ্মচাৰীক ৰাজ্যিক বিত্তীয় আয়োগৰ আওতালৈ অনা, শীঘ্ৰে দৰমহা আদায়ৰ লগতে পেঞ্চনৰ সুবিধা প্ৰদান কৰাকে আদি কৰি সাতদফীয়া দাবীৰ সমৰ্থনত আজিৰে পৰা অৱস্থান ধৰ্মঘট কাৰ্যসূচী পালন কৰিছে।

সমগ্ৰ ৰাজ্যখনত মুঠ ৯৭ খন পৌৰসভাৰ প্ৰায় ৫৮০০ কৰ্মচাৰীয়ে আজিৰে পৰা এই ধৰ্মঘট কাৰ্যসূচীত অংশ লোৱা বুলি জানিব পৰা গৈছে । আনহাতে, পৌৰ কৰ্মচাৰীসকলৰ এনে দীঘলীয়া ধৰ্মঘটৰ কাৰ্যসূচীয়ে নগৰ এলেকাসমূহত একপ্ৰকাৰ বিশৃংখলতাৰ সৃষ্টি কৰাৰো আশংকা কৰা হৈছে।

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে