টুকটুকী ছায়া স্মৃতি এম ই মাদ্ৰাছাৰ অৱসৰপ্ৰাপ্ত শিক্ষয়িত্ৰীক বিদায় সম্বৰ্ধনা
- Update Time : Tuesday, January 31, 2023
- 14 Time View
নগাঁৱৰ পৰা জয়ন্ত মুদৈঃ নগাঁৱৰ বটদ্ৰৱা শিক্ষা খণ্ডৰ অন্তৰ্গত টুকটুকী ছায়া স্মৃতি এম ই মাদ্ৰাছাৰ অৱসৰপ্ৰাপ্ত হিন্দী শিক্ষয়িত্ৰী মাহফুজা আহমেদক সোমবাৰে বিদায় সম্বৰ্ধনা জনোৱা হয় । এই মৰ্মে, মাদ্ৰাছাখনৰ প্ৰাক্তন প্ৰধান শিক্ষক আব্দুৰ ৰেজাকৰ সভাপতিত্বত অনুষ্ঠিত হোৱা সভাখনিত অৱসৰী শিক্ষয়িত্ৰী মাহফুজা আহমেদক ফুলাম গামোচা, মান পত্ৰ, কিতাপৰ টোপোলা, কলম, ছাতি, লাঠি আৰু চাদৰেৰে সম্বৰ্ধনা জ্ঞাপন কৰা হয় । প্ৰধান শিক্ষক জহিৰুল ইছলামে আঁত ধৰা সভাখনিত অৱসৰপ্ৰাপ্ত শিক্ষয়িত্ৰী মাহফুজা আহমেদে ছাত্ৰ-ছাত্ৰীক উদ্দেশ্যি কয় যে- তোমালোকে ভালদৰে লিখা পঢ়া কৰি প্ৰথমে মানুহ হোৱা । পাছত চিকিৎসক, অভিযন্তা আৰু অধিবক্তা হবা । গাম্ভীৰ্যপূৰ্ণ সভাখনিত মাদ্ৰাছাখনৰ পৰিচালনা সমিতিৰ সভাপতি জালাল উদ্দিন আহমেদ, মাতৃ গোটৰ সভানেত্ৰী ৰহিমা খাতুন, গেৰকানি এম ই স্কুলৰ প্ৰধান শিক্ষক হিফজুৰ ৰহমানকে ধৰি বহুকেইজন বিশিষ্ট ব্যক্তি উপস্থিত থাকে ।
